మణిపూర్‌లో మళ్లీ చెలరేగిన హింస.. 10 మంది మృతి

దిశ, డైనమిక్ బ్యూరో: మణిపూర్ లో హింసాకాండ కొనసాగుతోంది. తాజాగా మరోసారి దుండగులు రెచ్చిపోయారు. తూర్పు ఇంఫాల్ లోని ఖమెన్ ప్రాంతంలోని ఓ చర్చిలో దుండగులు జరిపిన కాల్పుల్లో ఓ మహిళతో సహా 10 మంది మృతి చెందారు. మరో 15 మంది గాయపడ్డారు. కాల్పులు జరుగుతున్న సమయంలో చర్చి లోపల 25 మంది ఉన్నారు. ఈ కాల్పుల వెనుక కుకీ మిలిటెంట్ గ్రూప్ హస్తం ఉందని అనుమానిస్తున్నారు. గాయపడిన వారికి ఇంఫాల్ లోని ఓ ఆసుపత్రిలో చికిత్స అందిస్తున్నారు. కాగా రెండు తెగల మధ్య జరుగుతున్న ఘర్షణ కారణంగా మణిపూర్ అట్టుడుకుతోంది. ఈ హింసాకాండలో మృతుల సంఖ్య ఇప్పటివరకు 115 కు చేరింది. మణిపూర్ అల్లర్లపై కేంద్రం వర్సెస్ ప్రతిపక్షాల మధ్య మాటల యుద్ధం కొనసాగుతోంది.