చైనా సుంకాలపై వెనక్కి తగ్గిన అమెరికా

దిశ, నేషనల్ బ్యూరో: యూఎస్, చైనా రెండు దేశాల టారిఫ్‌లపై సంధిని మరికొంత కాలం పొడిగించాలని నిర్ణయించుకున్నాయి. ఒకదానిపై మరొకటి ఈ రెండు దేశాలు భారీగా సుంకాలు విధించుకున్నాయి. అయితే ఆ తర్వాత ఇరుదేశాలు కొంత వెనక్కు తగ్గాయి. ఈ క్రమంలో మరో 90 రోజుల పాటు సుంకాలు పెంచుకోకూడదని నిర్ణయించుకున్నాయి. ఈ విషయాన్ని యూఎస్ అధ్యక్షుడు డొనాల్డ్ ట్రంప్ తన సోషల్ మీడియా ఖాతాలో వెల్లడించారు. నవంబరు 10 వరకు సుంకాలు పెంచకుండా నిలువరిస్తున్నట్లు ఆయన ప్రకటించారు. చైనా వాణిజ్య మంత్రిత్వ శాఖ కూడా ఇలాంటి ప్రకటనే చేసింది. అమెరికా కంపెనీలపై సుంకాలు పెంచకూడదనే నిర్ణయాన్ని మరో 90 రోజులు పొడిగిస్తున్నట్లు తెలిపింది.