యూపీలో దారుణం.. ఐదేళ్ల బాలికపై అన్న అత్యాచారం.. సంచలనం రేపుతున్న ఘటన

దిశ, వెబ్ డెస్క్ : ఉత్తరప్రదేశ్‌లోని అమ్రోహాలో దారుణం చోటు చేసుకుంది. ఐదేళ్ల బాలికపై అత్యాచారం ఘటన స్థానికంగా సంచలనం సృష్టిస్తోంది. ఆగస్టు 9న రాఖీ రోజే ఈ ఘటన జరగడం మరింత ఆశ్చర్యానికి గురిచేస్తోంది. ఐదేళ్ల చిన్నారి రక్షా బంధన్ రోజున తన కజిన్ బ్రదర్‌కు రాఖీ కట్టింది. దీని అర్థం తనకు జీవితాంతం రక్షగా ఉంటాడని.. కానీ ఆ సోదరుడే ఆమెపై లైంగిక దాడి చేశాడు. కనీసం రాఖీ కట్టిందనే ఆలోచన కూడా లేకుండా.. అదే రోజు సాయంత్రం బాలికను రేప్ చేశాడు. తన కామానికి చిన్నారిని బలి చేశాడు. చిన్నారి తల్లికి చెప్పడంతో ఈ విషయం బయటపడగా.. తల్లి ఫిర్యాదుతో యువకుడిని అదుపులోకి తీసుకున్నారు పోలీసులు. మద్యం మత్తులో దారుణానికి ఒడిగట్టగా.. చిన్నారికి వైద్య పరీక్షలు నిర్వహించగా ఆమె ఆరోగ్యం స్థిరంగా ఉన్నట్లు తెలిపారు. కాగా పోక్సో కేసు నమోదు చేసిన పోలీసులు విచారణ ప్రారంభించారు.