ప్రధాని మోడీకి కేంద్ర క్యాబినెట్ ‘స్టాండింగ్ ఒవేషన్’.. ప్రత్యేక తీర్మానం ఆమోదం!

దిశ, వెబ్ డెస్క్: భారతదేశంలో నిరంతరాయంగా అత్యంత సుదీర్ఘ కాలం పాటు పదవిలో కొనసాగుతూ, సరికొత్త చారిత్రాత్మక రికార్డు సృష్టించిన ప్రధానమంత్రి నరేంద్ర మోడీ (Prime Minister Narendra Modi)ని కేంద్ర క్యాబినెట్ (Union Cabinet) ఘనంగా కొనియాడింది. ఈ అద్భుతమైన మైలురాయిని పురస్కరించుకుని బుధవారం జరిగిన కేంద్ర మంత్రివర్గ సమావేశంలో ప్రధాని మోడీని అభినందిస్తూ ఒక ప్రత్యేక తీర్మానాన్ని ఏకగ్రీవంగా ఆమోదించారు. ఈ సందర్భంగా కేంద్ర మంత్రులందరూ లేచి నిలబడి, చప్పట్లతో ప్రధాని మోదీకి ‘స్టాండింగ్ ఒవేషన్’ (Standing Ovation) ఇచ్చి తమ గౌరవాన్ని చాటుకున్నారు. నరేంద్ర మోడీ నాయకత్వంలో భారతదేశం అంతర్జాతీయ వేదికపై అసాధారణ వృద్ధిని సాధించిందని, ఈ 4,399 రోజుల సుదీర్ఘ పాలన దేశ ప్రగతి పథంలో ఒక సువర్ణ అధ్యాయమని కేంద్ర మంత్రివర్గం కొనియాడింది.