కాబోయే భార్యే తోసేసింది!.. యువ వ్యాపారవేత్త మృతి కేసులో BIG ట్విస్ట్

పుణేలోని గహుంజే ప్రాంతానికి చెందిన కేతన్ విశాల్ అగర్వాల్ (26) తమ కుటుంబానికి చెందిన ఓ రియల్ ఎస్టేట్ సంస్థకు డైరెక్టర్‍గా వ్యవహరిస్తున్నారు. విశాల్‍కు ఇటీవల వివాహం కుదిరింది. ఈ ఏడాది చివర్లో ఘనంగా వివాహం జరిపించేందుకు అతడి కుటుంబ సభ్యులు ఏర్పాట్లు చేసుకుంటున్నారు. ఈ క్రమంలో జూన్ 18వ తేదీన అతడికి కాబోయే భార్య పుట్టిన రోజు కావడంతో ఆమెతో పాటు మరికొంత మంది స్నేహితులతో కలిసి లోహగఢ్ కోటకు విహారానికి వెళ్లారు. అక్కడ 350 నుంచి 400 అడుగుల ఎత్తైన కొండపై సరదాగా గడిపారు. ఈ క్రమంలో అక్కడ ఫోటోలు తీస్తుండగా కేతన్ ప్రమాదవశాతు కాలు జారి లోయలో పడిపోయాడని అతడికి కాబోయే భార్య నమ్మించిందని పోలీసులు అనుమానిస్తున్నారు. ఆమె కిందకు తోసేయడంతో కేతన్‌ మృతిచెందినట్లు పుణె పోలీసులు భావిస్తున్నారు. ఈ మేరకు ఆమెను అదుపులోకి తీసుకొని విచారిస్తున్నట్లు వెల్లడించారు.