ఉప రాష్ట్రపతి ఎన్నికలు.. సీపీ రాధాకృష్ణన్కు మద్దతు నిరాకరించిన శరద్ పవార్
సిపి రాధాకృష్ణన్ తన పార్టీ భావజాలంతో ఏకీభవించరని, ఉప రాష్ట్రపతిగా ఆయనకు మద్దతు ఇవ్వడం సాధ్యం కాదని ఎన్సీపీ అధినేత శరద్ పవార్ చెప్పుకొచ్చారు.
దిశ, వెబ్ డెస్క్: ఉప రాష్ట్రపతి ఎన్నికల్లో విజయం కోసం అధికార ఎన్డీయే కూటమి (NDA alliance) ముమ్మర ప్రయత్నాలు చేస్తుంది. ఈ మేరకు ముందస్తుగానే అభ్యర్థిని ప్రకటించిన ఆ కూటమి.. తమ బాగస్వాములందరిని కలిసి పూర్తి మద్దతు ఇవ్వాలని కోరుతుంది. ఈ క్రమంలో ఇప్పటికే అన్ని పార్టీ సంపూర్ణ మద్దతు ప్రకటించగా.. ఎన్సీపీ చీఫ్ శరద్ పవార్ (NCP chief Sharad Pawar) మాత్రం ఊహించని షాక్ ఇచ్చారు. ఈ సందర్భంగా ఆయన మాట్లాడుతూ.. ఎన్డీఏ ఉపాధ్యక్ష అభ్యర్థి సిపి రాధాకృష్ణన్ (CP Radhakrishnan)కు మద్దతు ఇవ్వాలన్న మహారాష్ట్ర ముఖ్యమంత్రి దేవేంద్ర ఫడ్నవీస్ (Devendra Fadnavis) అభ్యరించారు. కానీ మేము ఆయన అభ్యర్థనను తిరస్కరించామని సీఎంకు తెలిపామని నేషనలిస్ట్ కాంగ్రెస్ పార్టీ (ఎన్సీపీ)-ఎస్సిపి చీఫ్ శరద్ పవార్ శుక్రవారం తెలిపారు. సిపి రాధాకృష్ణన్ తన పార్టీ భావజాలంతో ఏకీభవించరని, ఉప రాష్ట్రపతి (Vice President Candidate)గా ఆయనకు మద్దతు ఇవ్వడం సాధ్యం కాదని తెలిపానని ఈ సందర్భంగా పవార్ చెప్పుకొచ్చారు. జార్ఖండ్ గవర్నర్ పదవిలో ఉండగా, సిపి రాధాకృష్ణన్ 2024 లో జార్ఖండ్ సీఎం హేమంత్ సోరెన్ అరెస్టు సమయంలో తన అధికారాన్ని దుర్వినియోగం చేశారని ఎన్సీపీ అధినేత పవార్ (NCP chief Pawar) ఈ సందర్భంగా గుర్తు చేశారు.
