మరోసారి రూపాయి విలువ పతనం.. డాలర్తో పోలిస్తే 90.07కి చేరిక
మరోసారి రూపాయి విలువ పతనం అయింది. ఈ రోజు ప్రారంభ ట్రేడింగ్లో భారత రూపాయికి ఒత్తిడి ఎదురైంది.
దిశ, వెబ్ డెస్క్: మరోసారి రూపాయి విలువ పతనం అయింది. ఈ రోజు ప్రారంభ ట్రేడింగ్లో భారత రూపాయికి ఒత్తిడి ఎదురైంది. అమెరికన్ డాలర్తో పోలిస్తే రూపాయి విలువ 12 పైసలు పడిపోయి.. 90.07 వద్ద ట్రేడ్ అవుతోంది. అంతర్జాతీయ మార్కెట్లో డాలర్కు డిమాండ్ పెరగడం, దిగుమతిదారులు, కార్పొరేట్ల నుండి పెరుగుతున్న డాలర్ కొనుగోళ్లు రూపాయి బలహీనపడటానికి ప్రధాన కారణాలుగా నిపుణులు పేర్కొంటున్నారు. దేశీయ స్టాక్ మార్కెట్ల నుంచి విదేశీ సంస్థాగత పెట్టుబడిదారులు (FIIs) నిధులను ఉపసంహరించుకోవడం కూడా రూపాయిపై తీవ్ర ప్రభావాన్ని చూపుతోంది.
ముడి చమురు ధరలు, వాణిజ్య ఒప్పందాల ప్రభావం
అంతర్జాతీయ మార్కెట్లో ముడి చమురు (Crude Oil) ధరలు అధిక స్థాయిలో కొనసాగడం రూపాయిపై మరింత ఒత్తిడి పెంచుతుంది. చమురు దిగుమతులు ఖరీదైనవిగా మారడం వలన దేశ ఆర్థిక భారం పెరుగుతుంది. అంతేకాకుండా, భారత్-అమెరికా మధ్య వాణిజ్య ఒప్పందాలపై నెలకొన్న జాప్యం కూడా రూపాయి సెంటిమెంట్ను దెబ్బతీస్తోందని మార్కెట్ విశ్లేషకులు చెబుతున్నారు. ఈ అంశాలన్నీ రూపాయి విలువను మరింత క్షీణించేలా చేశాయని నిపుణులు భావిస్తున్నారు.
- Tags
- Rupee
