గుజరాత్ హైకోర్టును ఆశ్రయించిన రాహుల్ గాంధీ

దిశ, డైనమిక్ బ్యూరో: పరువు నష్టం కేసులో కాంగ్రెస్ అగ్రనేత రాహుల్ గాంధీ గుజరాత్ హైకోర్టును ఆశ్రయించారు. సూరత్ కోర్టు ఇచ్చిన తీర్పును ఇవాళ గుజరాత్ హైకోర్టులో సవాల్ చేశారు. జైలు శిక్షపై స్టే కోరుతూ రాహుల్ గాంధీ పిటిషన్ వేశారు. క్రిమినల్ డిఫమేషన్ కేసులో సూరత్ కోర్టు ఇచ్చిన తీర్పుపై స్టే విధించాలని తొలుత ఆయన సూరత్ సెషన్స్ కోర్టును ఆశ్రయించారు. అయితే రాహుల్ పిటిషన్ ను సూరత్ సెషన్స్ కోర్టు తిరస్కరించడంతో తాజాగా గుజరాత్ హైకోర్టును ఆశ్రయించారు. దీంతో ఇక్కడ ఎలాంటి నిర్ణయం వస్తుందో అనేది ఆసక్తిగా మారింది.