బ్రేకింగ్ న్యూస్.. యూపీలో మరో గ్యాంగ్‌స్టర్‌ను ఎన్‌కౌంటర్‌ చేసిన పోలీసులు

దిశ, వెబ్‌డెస్క్: ఉత్తరప్రదేశ్‌లోఅనిల్ దుజానా అనే భయంకరమైన గ్యాంగ్‌స్టర్‌ను ఎన్‌కౌంటర్ చేశారు. మీరట్‌లో యుపి స్పెషల్ టాస్క్ ఫోర్స్ (ఎస్‌టిఎఫ్) జరిపిన ఎన్‌కౌంటర్‌లో గ్యాంగ్ స్టర్ మరణించినట్లు నివేదికలు తెలిపాయి. కాగా మీరట్‌లో యుపి స్పెషల్ టాస్క్ ఫోర్స్ చేతిలో హతమయిన ఈ గ్యాంగ్‌స్టర్ అనిల్ దుజానా.. యూపీలోని గౌతమ్‌బుద్ధ నగర్ లోని దుజానా గ్రామానికి చెందినవాడు. అయితే యూపీలో వరుసగా గ్యాంగ్‌స్టర్‌‌ల ఎన్ కౌంటర్లు జరుగుతుండటంతో గతంలో క్రిమినల్స్ గా ఉండి తప్పించుకు తిరుగుతున్న వారు భయంతో పోలీస్ స్టేషన్లకు పరుగులు తీస్తున్నట్లు తెలుస్తోంది.