మొరాకో భూకంపం పై స్పందించిన ప్రధాని.. అన్ని విధాలా ఆదుకుంటామని భరోసా

దిశ, వెబ్‌డెస్క్: మొరాకో దేశంలో 6.8 తీవ్రతతో భారీ భూకంపం సంభవించి 296 మంది మృత్యువాత పడగా.. 153 మందికి తీవ్ర గాయాలయ్యాయి. కాగా వారంతా ప్రస్తుతం ఆస్పత్రిలో చికిత్స పొందుతున్నారు. ఈ ఘటనపై భారత ప్రధాని మోడీ స్పందించారు. భారీ భూకంపం కారణంగా మృతి చెందిన వారికి ప్రధాని మోడీ తన సంతాపం తెలిపారు. “మొరాకోలో భూకంపం కారణంగా ప్రాణాలు కోల్పోయినందుకు చాలా బాధపడ్డాను. ఈ విషాద సమయంలో, నా ఆలోచనలు మొరాకో ప్రజలతో ఉన్నాయి. తమ ఆత్మీయులను కోల్పోయిన వారికి సంతాపం తెలుపుతున్నాను. గాయపడిన వారు త్వరగా కోలుకోవాలని కోరుకుంటున్నాను. ఈ క్లిష్ట సమయంలో మొరాకోకు అన్ని విధాల సహాయం అందించేందుకు భారత్ సిద్ధంగా ఉందని ప్రధాని మోడీ స్పష్టం చేశారు.