‘ధురంధర్ 2’ సీన్స్ పై అభ్యంతరం.. కేంద్రానికి ఢిల్లీ హైకోర్టు కీలక ఆదేశాలు

దిశ, డైనమిక్ బ్యూరో: ప్రపంచ వ్యాప్తంగా బ్లాక్ బస్టర్ గా నిలిచిన స్పై యాక్షన్ థ్రిల్లర్ మూవీ 'ధురంధర్ 2' వివాదంలో చిక్కుకుంది. ఈ సినిమాలో దేశ భద్రతకు ముప్పు వాటిళ్లిలే సన్నివేశాలు ఉన్నాయంటూ దాఖలైన పిటిషన్ పై ఢిల్లీ హైకోర్టు కేంద్ర ప్రభుత్వానికి, సెంట్రల్ బోర్డు ఆఫ్ ఫిల్మ్ సర్టిఫికేషన్ (CBFC)ని ఆదేశించింది. ఈ మూవీలో సాయుధ దళాల కార్యకాలాపాల వివరాలను బహిర్గతం చేశారని, దీని వల్ల దేశ భద్రతకు ముప్పు వాటిల్లే అవకాశం ఉందంటూ సశస్త్ర సీమా బల్ (SSB)లో హెడ్ కానిస్టేబుల్ గా పని చేస్తున్న దీపక్ కుమార్ ఢిల్లీ హైకోర్టును ఆశ్రయించారు. ఈ పిటిషన్ పై ఇవాళ విచారణ జరిపిన హైకోర్టు ఆ సినిమా కల్పిత కథ కావొచ్చనని, కానీ భద్రతాదళ సిబ్బంది లేవనెత్తిన ఆందోళనలను విస్మరించలేమని వ్యాఖ్యానిస్తూ ఈ ఆరోపణలపై విచారణ జరిపాలంటూ సెంట్రల్, సీబీఎఫ్‍సీని ఆదేశించింది. కాగా, రణ్‍వీర్ సింగ్ కథానాయకుడిగా, ఆదిత్యాధర్ దర్శకత్వంలో రూపొందిన ఈ సినిమా గత మార్చిలో ప్రేక్షకుల ముందకు వచ్చింది. ప్రస్తుతం విదేశాల్లో నెట్ ఫ్లిక్స్ లో స్ట్రీమింగ్ అవుతున్న ఈ సినిమా జూన్ 4 నుంచి జియో హాట్ స్టార్ వేదికగా భారతీయ ప్రేక్షకుల ముందుకు రాబోతోంది.