జోడువాగు జాతీయ రహదారి పనులు వేగవంతం చేయాలి: మంత్రి వివేక్వెంకటస్వామి
జోడువాగు రోడ్ జాతీయ రహదారి-63 పనులు వేగవంతం చేయాలని కేంద్ర మంత్రి నితిన్గడ్కరీని రాష్ట్ర కార్మిక శాఖ మంత్రి
దిశ, తెలంగాణ బ్యూరో : జోడువాగు రోడ్ జాతీయ రహదారి-63 పనులు వేగవంతం చేయాలని కేంద్ర మంత్రి నితిన్గడ్కరీని రాష్ట్ర కార్మిక శాఖ మంత్రి వివేక్వెంకటస్వామని కోరారు. బుధవారం పెద్దపల్లి ఎంపీ గడ్డం వంశీకృష్ణతో కలిసి ఢిల్లీలో కేంద్ర రవాణా మంత్రి గడ్కరీ ని కలిసి, తెలంగాణలోని ప్రధాన రహదారి ప్రాజెక్టుల గురించి వివరించారు. జోడువాగు రహదారి అభివృద్ధి పనులు ఆలస్యం కావడం, ఎన్హెచ్-63 రహదారి నిర్మాణం ఏడాది దాటినా ఇంకా డీపీఆర్ దశలోనే ఉండిపోవడంతో ప్రజలకు తీవ్ర ఇబ్బందులు కలుగుతున్నయని చెప్పారు.
అదే విధంగా ఆ ప్రాంత అభివృద్ధి ఆలస్యం, ఆర్థిక కార్యకలాపాలు నెమ్మదిస్తున్నాయని తెలిపారు. ఈ అంశాలపై గడ్కరీ సానుకూలంగా స్పందిస్తూ, త్వరలోనే డీపీఆర్ఆమోదం, పనుల ప్రారంభంపై తాను స్వయంగా పర్యవేక్షిస్తానని హామీ ఇచ్చినట్లు వెల్లడించారు. ఈ ప్రాజెక్టులతో తెలంగాణకు మంచి కనెక్టివిటీ, అభివృద్ధి జరుగుతుందని పేర్కొన్నారు. ప్రజల బాగు కోసం తాము కట్టుబడి ఉన్నామని, పనులు ప్రారంభమయ్యే వరకు పట్టువదమని ఎంపీ వంశీకృష్ణ చెప్పారు.
