శివకాశి బాణసంచా తయారీ పరిశ్రమలో భారీ పేలుడు.. ముగ్గురు మృతి

దిశ, వెబ్ డెస్క్ : తమిళనాడులోని శివకాశి(Shivakashi)లో ఓ బాణసంచా(Crackers) తయారీ కేంద్రంలో నేడు భారీ పేలుడు సంభవించింది. ఈ ఘటనలో ముగ్గురు మృతి చెందగా, పలువురు తీవ్రంగా గాయపడినట్లు సమాచారం. ఈ ఘటన శివకాశి సమీపంలోని కీలతాయిల్‌పట్టి గ్రామంలోని ఒక ఫైర్‌వర్క్స్ యూనిట్‌లో సంభవించింది. ఈ పేలుడులో ముగ్గురు కార్మికులు మృతి చెందగా.. గాయపడిన వారిని విరుదునగర్‌లోని ప్రభుత్వ ఆసుపత్రికి తరలించారు. పేలుడు సంభవించిన వెంటనే అత్యవసర సహాయక బృందాలు సంఘటనా స్థలానికి చేరుకుని సహాయక చర్యలు చేపట్టాయి. రెస్క్యూ ఆపరేషన్‌లు కొనసాగుతున్నాయి. ఈ ఘటనపై మరిన్ని వివరాలు తెలియాల్సి ఉంది.