కేంద్ర ప్రభుత్వంలో కీలక నియామకం.. ‘నీతి ఆయోగ్’ కొత్త బాస్‌గా అనురాగ్ జైన్

దిశ, వెబ్‌డెస్క్: పరిపాలనాపరమైన వ్యవహారాలకు సంబంధించి కేంద్ర ప్రభుత్వం మరో కీలక నిర్ణయం తీసుకున్నది. అత్యున్నత విధాన రూపకల్పన సంస్థ ‘నీతి ఆయోగ్’ (NITI Aayog) కొత్త చీఫ్ ఎగ్జిక్యూటివ్ ఆఫీసర్ (CEO)గా సీనియర్ ఐఏఎస్ అధికారి అనురాగ్ జైన్ (Anurag Jain) నియమితులయ్యారు. ఈ నియామకానికి సంబంధించి ప్రధాని మోదీ నేతృత్వంలోని కేబినెట్ అపాయింట్‌మెంట్స్ కమిటీ (ACC) అధికారికంగా ఆమోదం తెలిపింది. 1989 ఐఏఎస్ బ్యాచ్‌ మధ్యప్రదేశ్ కేడర్‌కు చెందిన అనురాగ్ జైన్ రెండేళ్ల పాటు ఆ పదవిలో కొనసాగనున్నారు. ఈ మేరకు డిపార్ట్‌మెంట్ ఆఫ్ పర్సనల్ అండ్ ట్రైనింగ్ (DoPT) కార్యదర్శి మనీషా సక్సేనా అధికారిక ఉత్వర్వులు జారీ చేశారు. పాలనా వ్యవహారాల్లో చాలా అనుభవం ఉన్న అనురాగ్ జైన్ నియామకంతో ‘నీతి ఆయోగ్’ పాలన వ్యవహరాలు జెట్ స్పీడ్‌లో దూసుకెళ్లనున్నాయి.