ఆ గ్రామంలో ప్రతి మగాడికి ఇద్దరు పెళ్లాలు..

దిశ, వెబ్‌డెస్క్ : రాజస్థాన్‌ బార్మర్‌లోని దేరాసర్‌లో పురుషులు ఇద్దరు భార్యలను వివాహం చేసుకోవడం సంప్రదాయంగా మారింది. మొదటి భార్య సాధారణంగా గర్భం దాల్చలేదని, ఒకవేళ ప్రెగ్నెంట్ అయినా కేవలం కుమార్తెలను మాత్రమే కంటుందనే నమ్మకంతో.. పురుషులు రెండవ వివాహం చేసుకుంటారు. రెండవ భార్య కొడుకును కనే అవకాశం ఎక్కువ అని, కుటుంబ వంశాన్ని కొనసాగించడానికి అవసరమని భావిస్తారు. ఇద్దరు భార్యలు ఒకే ఇంట్లో సామరస్యంగా జీవిస్తారు. బాధ్యతలను పంచుకుంటారు. భర్త ఇద్దరినీ సమానంగా చూసుకోవాలని ఆశిస్తారు. ఈ ఆచారం ఇప్పుడు తగ్గుతున్నప్పటికీ.. ఇంకా కొనసాగుతోంది. అయితే హిందూ వివాహ చట్టం ప్రకారం హిందువులకు బహుభార్యాత్వం చట్టవిరుద్ధం.

దేరాసర్‌లో సుమారు 70 కుటుంబాలున్న చిన్న గ్రామంలో మొదటి భార్య సంతానం కనలేదనే నమ్మకంతో ఇలాంటి సంప్రదాయం మొదలైంది. సంతానం కోసం, ఇంటి పనుల్లో సహాయం కోసం పురుషులు రెండవ వివాహం చేసుకుంటారు. ఎందుకంటే మహిళలు నీటి కోసం ఐదు కి.మీ. కంటే ఎక్కువ దూరం ప్రయాణించాలి. ఇది గర్భిణీ స్త్రీలకు కష్టం. ఈ ఆచారం సమాజంలో ఆమోదించబడినప్పటికీ.. యువ తరం దీనిని ప్రశ్నిస్తోంది. కాగా ఈ ఆచారాలు,మూఢనమ్మకాలు.. కొడుకు అవసరమనే సామాజిక ఒత్తిడిని సూచిస్తాయి.