స్విగ్గీ ‘టొయింగ్’ (Toing) ప్లాట్ఫారమ్కు ఎఫ్ఎస్ఎస్ఏఐ నోటీసులు.. లైసెన్స్ వివాదం సద్దుమణిగిందన్న సంస్థ!
స్విగ్గీ ‘టొయింగ్’ యాప్కు ఎఫ్ఎస్ఎస్ఏఐ లైసెన్స్ నోటీసులు.. సాంకేతిక లోపాలను సరిదిద్ది కొత్త లైసెన్స్ పొందినట్లు వెల్లడించిన స్విగ్గీ!
దిశ, వెబ్ డెస్క్: ప్రముఖ ఫుడ్ డెలివరీ సంస్థ స్విగ్గీ (Swiggy Limited) కి చెందిన బడ్జెట్ ఫుడ్ ఆర్డరింగ్ ప్లాట్ఫారమ్ ‘టొయింగ్’ (Toing) కు భారత ఆహార భద్రత, ప్రమాణాల ప్రాధికార సంస్థ (FSSAI) నుండి షాక్ తగిలింది. ప్లాట్ఫారమ్కు సంబంధించిన ఎఫ్ఎస్ఎస్ఏఐ లైసెన్స్ వివరాల నవీకరణ (Updation of licence particulars) లో కొన్ని లోపాలను గుర్తిస్తూ జూలై 6, 2026 నాటి ఉత్తర్వుల ద్వారా కర్ణాటకకు చెందిన డిసిగ్నేటెడ్ ఆఫీసర్ స్విగ్గీకి 'ప్రొహిబిషన్ ఆర్డర్' (Prohibition Order) జారీ చేశారు.
వివాదం పరిష్కారం
ఈ నోటీసులపై స్విగ్గీ లిమిటెడ్ స్టాక్ ఎక్స్ఛేంజీల రెగ్యులేటరీ ఫైలింగ్లో అధికారికంగా స్పష్టతనిచ్చింది. ఈ వివాదం కేవలం లైసెన్స్ డాక్యుమెంటేషన్కు సంబంధించిన సాంకేతిక మార్పుల (bookkeeping) గురించేనని, డెలివరీ చేసే ఆహార నాణ్యత, ఆహార భద్రతకు (Food Safety) సంబంధించిన ఎలాంటి సమస్యలు ఇందులో లేవని స్పష్టం చేసింది. ఎఫ్ఎస్ఎస్ఏఐ అధికారులు లేవనెత్తిన లోపాలను తమ కాంప్లియన్స్ బృందం వెంటనే సరిదిద్దిందని, జూలై 9, 2026 నాడే సవరించిన నూతన ఎఫ్ఎస్ఎస్ఏఐ లైసెన్స్ను (Modified FSSAI Licence) పొందినట్లు వెల్లడించింది. దీంతో ఈ వివాదం పూర్తిగా సద్దుమణిగిందని, ఈ ఉత్తర్వుల వల్ల కంపెనీకి ఎలాంటి ద్రవ్య జరిమానా (Monetary Penalty) పడలేదని, వ్యాపార కార్యకలాపాలపై గానీ, ఆర్థిక స్థితిపై గానీ ఎలాంటి ప్రతికూల ప్రభావం ఉండబోదని స్విగ్గీ స్పష్టం చేసింది.
