మాజీ వైస్ ప్రెసిడెంట్ హారిస్‌ భద్రత తొలగింపు.. వైట్‌‌హౌస్‌ వర్గాల అధికారిక ప్రకటన

దిశ, వెబ్‌డెస్క్: సంచలన నిర్ణయాలతో నిత్యం హాట్ టాపిక్‌గా నిలుస్తున్న ప్రెసిడెంట్ డొనాల్డ్ ట్రంప్ (President Donald Trump) మరో సంచలన నిర్ణయం తీసుకున్నారు. ఈ మేరకు అమెరికా మాజీ ఉపాధ్యక్షురాలు కమలా హారిస్‌ (Kamala Harris)కు కల్పిస్తున్న సీక్రెట్ సర్వీస్ సెక్యూరిటీ (Secret Service Security)ని రద్దు చేశారు. అయితే, ఇదే విషయాన్ని వైట్‌హౌస్ వర్గాలు నిజమేనని వెల్లడించాయి. అయితే, యూఎస్​ చట్టాల ప్రకారం, అమెరికా అధ్యక్షుడిగా బాధ్యతలు నిర్వహించిన వారికి పదవి నుంచి వైదొలిగిన తరువాత కూడా జీవితాంతం సీక్రెట్ సర్వీస్ సెక్యూరిటీని కల్పించాల్సి ఉంటుంది. అయితే, వైస్ ప్రెసిడెంట్ విషయంలో ఆ నిబంధన వర్తించదు. పదవీ నుంచి వైదొలిగిన తరువాత వారికి కేవలం 6 నెలల వరకు మాత్రమే సీక్రెట్ సర్వీస్ సెక్యూరిటీని కల్పిస్తారు. ఇదే సయయంలో మాజీ అధ్యక్షుడు జో బైడెన్ (Joe Biden) సీక్రెట్ సర్వీస్ రక్షణను పొడిగిస్తూ అధికారిక ఉత్తర్వులు జారీ అయ్యాయి.