ఫ్యాక్టరీలో భారీ అగ్నిప్రమాదం.. గంటలతరబడి ఎగసిపడుతోన్న మంటలు

దిశ, వెబ్‌డెస్క్: మధ్యప్రదేశ్ రాష్ట్రం భోపాల్ లోని ఓ ఫ్యాక్టరీలో భారీ అగ్నిప్రమాదం సంభవించింది. ఫర్నీచర్ అండ్ ప్లాస్టిక్ ఫ్యాక్టరీలో మంటలు చెలరేగగా.. నిమిషాల్లోనే మంటలు ఫ్యాక్టరీ అంతా వ్యాపించింది. మంటలు ఉవ్వెత్తున ఎగసి పడుతుండగా.. నల్లటి పొగ ఆ ప్రాంతాన్ని కమ్మేసింది. దీంతో స్థానికులు ఊపిరాడక ఇబ్బందులు పడుతున్నారు. ఫైర్ సిబ్బంది మంటలను అదుపుచేసేందుకు ప్రయత్నిస్తున్నా.. గంటలతరబడి మంటలు ఎగసి పడుతూనే ఉన్నాయి. ప్లాస్టిక్, చెక్క వస్తువులు కావడంతో మంటలను ఆర్పడం కష్టతరంగా మారింది. కాగా.. ఈ ప్రమాద ఘటనలో భారీగా ఆస్తినష్టం జరిగినట్లు సమాచారం. ప్రమాద సమయంలో ఫ్యాక్టరీలో ఎవరైనా ఉన్నారా? ప్రాణనష్టం జరిగిందా? అన్న వివరాలు తెలియాల్సి ఉంది.