ఇరాన్‌లో స్టార్‌లింక్ యాక్టివేట్ చేశానన్న ఎలాన్ మస్క్

దిశ, నేషనల్ బ్యూరో: ఇరాన్‌లో స్టార్‌లింక్ సేవలను అందుబాటులోకి వచ్చాయని టెక్ బిలియనీర్ ఎలాన్ మస్క్ ప్రకటించారు. ఇటీవలే దేశవ్యాప్తంగా ఇంటర్నెట్ సేవలను నిలిపివేస్తున్నట్లు ఇరాన్ ప్రకటించిన సంగతి తెలిసిందే. ఇజ్రాయెల్, ఇరాన్ మధ్య యుద్ధం జరుగుతున్న నేపథ్యంలో.. పరిస్థితి చక్కబడే వరకు ఇంటర్నెట్ సేవలు నిలిపివేస్తున్నట్లు ఆ దేశం ప్రకటించింది. ఈ క్రమంలోనే ప్రజలకు వాస్తవాలు తెలియకుండా ఉండేందుకే ఇంటర్నెట్ సేవలను ఇరాన్ ప్రభుత్వం ఆపేసిందని, ఇలాంటి పరిస్థితిలో స్టార్‌లింక్‌ను ఎలాన్ మస్క్ అందుబాటులోకి తీసుకురావాలని కొందరు సోషల్ మీడియాలో కోరారు. దీనికి స్పందించిన మస్క్.. ‘ది బీమ్స్ ఆర్ ఆన్’ (ఇంటర్నెట్ యాక్టివేట్ అయింది) అని పోస్టు పెట్టారు.