ఈ పక్షులు శాఖాహారులు.. స్పెషల్ ఏంటో తెలుసా ?

దిశ, వెబ్‌డెస్క్: పక్షి జాతులలో కేవలం 2 నుంచి 3 శాతం మాత్రమే శాఖాహారులని తెలుసుకోవడం ఆసక్తికరం. యానిమల్ స్పాట్ ప్రకారం, ఈ “శాఖాహార” పక్షులు ప్రత్యేకమైన ముక్కులను కలిగి ఉంటాయి, ఇవి మొక్కలను చీల్చడానికి, ప్రాసెస్ చేయడానికి సహాయపడతాయి. వీటి పేగులలోని సూక్ష్మజీవులు సంక్లిష్ట కార్బోహైడ్రేట్లను జీర్ణం చేస్తాయి, ఇవన్నీ మొక్కల ఆహారాన్ని తినడానికి వీలుగా రూపొందాయి.

వీటి జీర్ణవ్యవస్థలు సర్వభక్షక లేదా మాంసాహార పక్షుల నుంచి పెద్దగా భిన్నంగా ఉండవు. యానిమల్ వైస్డ్ ప్రకారం.. నాలుక ముక్కు ఆకారానికి అనుగుణంగా రూపొందుతుంది. కొన్ని చిలుక జాతులలో నాలుక గట్టిగా, మాంసంతో ఉంటుంది. ఈ పక్షులకు దంతాలు లేనందున, ఆహారం తీసుకున్న వెంటనే జీర్ణవ్యవస్థకు చేరుతుంది. ఇది తక్కువ సమయంలో ఆహారాన్ని సమర్థవంతంగా ప్రాసెస్ చేస్తుంది.

శాఖాహార పక్షులను వాటి ఆహారం ఆధారంగా వివిధ విభాగాలుగా విభజించవచ్చు

ఫ్రూజివోర్స్: పండ్లను తినే ఈ పక్షులు తమ మలం ద్వారా విత్తనాలను చెదరగొట్టి మొక్కల పునరుత్పత్తికి సహాయపడతాయి.

గ్రానివోర్స్: గింజలు, విత్తనాలను తినే ఈ పక్షులు బలమైన ముక్కులు, గిజ్జార్డ్‌లతో ఆహారాన్ని పొడిగా చేస్తాయి.

సాప్‌సకర్స్: చెట్ల నుంచి రసాన్ని తాగే ఈ పక్షులు ఖనిజాలు, చక్కెరలు, నీటిని పొందుతాయి.

నెక్టరివోర్స్: పొడవైన, సన్నని ముక్కులతో పుష్పరసాన్ని తాగే ఈ పక్షులు పరాగసంపర్కానికి సహాయపడతాయి.

ఫోలివోర్స్: ఆకులను తినే ఈ పక్షులు గడ్డితినే జంతువుల లాంటి జీర్ణవ్యవస్థలను కలిగి, పీచుగల మొక్కలను సమర్థవంతంగా జీర్ణిస్తాయి.

భారతదేశంలో కనిపించే 5 శాఖాహార పక్షులు

స్వాన్స్: గంభీరమైన, ఆకర్షణీయమైన స్వాన్స్ భూమిపై, నీటిలో గడుపుతాయి. సరస్సులు, చెరువుల సమీపంలో గడ్డి, నీటి మొక్కలను తింటాయి.

గీస్ అండ్ డక్స్: కొన్ని గీస్ జాతులు అప్పుడప్పుడు కీటకాలు తిన్నప్పటికీ, స్వాన్ గూస్ (ఆన్సర్ సైగ్నోయిడ్స్) వంటి జాతులు దాదాపు పూర్తిగా వేర్లు, విత్తనాలు, జల మొక్కలను తింటాయి.

పావురాళ్లు అండ్ డవ్స్ : బొద్దుగా, చిన్న ముక్కులతో ఉండే ఈ పక్షులు గింజలు, పండ్లను తింటాయి. నగరాల్లో మానవ ఆహారాన్ని తినడానికి అలవాటు పడినప్పటికీ, సహజంగా విత్తనాలు, పండ్లను ఇష్టపడతాయి.

హమ్మింగ్‌బర్డ్స్: చిన్నవి, వేగవంతమైన, రంగురంగుల హమ్మింగ్‌బర్డ్స్ పుష్పరసం తాగుతాయి. వాటి సన్నని, సూదిలాంటి ముక్కులు పుష్పాలలో లోతుగా చొచ్చి రసాన్ని తీసుకోవడానికి ఉపయోగపడుతాయి.

కాగా.. పక్షుల్లోకెల్లా అతిపెద్ద శాఖాహార పక్షి కామన్ ఆస్ట్రిచ్. ప్రపంచంలో అతి చిన్న శాఖాహార పక్షి: బీ హమ్మింగ్‌బర్డ్.