భారతీయులకు వీసా సర్వీసులు నిలిపివేసిన బంగ్లాదేశ్

దిశ, వెబ్‌డెస్క్: భారతీయులకు బంగ్లాదేశ్ తాత్కాలికంగా వీసా సర్వీసుల్ని నిలిపివేసింది. భారత్ లో కాన్సులర్, వీసా సర్వీసు సేవల్ని టెంపరరీగా నిలిపివేస్తున్నట్లు ఢిల్లీలోని బంగ్లాదేశ్ హై కమిషన్ ప్రకటించింది. తదుపరి ఆదేశాలు వచ్చేంతవరకూ ఈ నిర్ణయం కొనసాగుతుందని తెలిపింది. బంగ్లాదేశ్ లో ఇటీవల నెలకొన్న ఉద్రిక్త పరిస్థితుల నేపథ్యంలోనే ఈ నిర్ణయం తీసుకున్నట్లు పేర్కొంది. ఈ మేరకు బంగ్లాదేశ్ హై కమిషన్ ఒక ప్రకటన విడుదల చేసింది. అనివార్య కారణాలతో ఢిల్లీలోని బంగ్లాదేశ్ హై కమిషన్ నుంచి అన్ని కాన్సులర్, వీసా సేవల్ని నిలిపివేస్తున్నామని, తదుపరి నోటీసులు వచ్చేంతవరకూ ఇవి కొనసాగుతాయని తెలిపింది.