Bangladesh: బరి తెగించిన బంగ్లాదేశ్..ఏకంగా ఇందిరా పాఠ్యాంశాన్నే లేపేసిందిగా

దిశ, వెబ్‌డెస్క్: Bangladesh: వచ్చే విద్యాసంవత్సరానికి గాను పాఠశాల విద్య పాఠ్యాంశాల్లో కీలక మార్పులు చేసింది బంగ్లాదేశ్ నేషనల్ కరికులమ్ అండ్ టెక్ట్స్ బుక్ బోర్డు(Bangladesh National Curriculum and Textbook Board). అన్ని పాఠ్య పుస్తకాల్లో నుంచి మాజీ ప్రధాని షేక్ హసీనా(Sheikh Hasina) పేరును పూర్తిగా తొలగించింది. దీంతోపాటు బంగబంధు (Bangabandhu)షేక్ ముజిబుర్ రెహమాన్, భారత మాజీ ప్రధాని ఇందిరాగాంధీ చిత్రాలను కూడా తొలగించడం ఇప్పుడు చర్చనీయాంశంగా మారింది. అంతేకాదు బంగ్లా స్వాతంత్ర్య ఉద్యమంలో భారత్ పాత్రను తగ్గిస్తూ కొత్త పుస్తకాల్లో మార్పులు చేయడం గమనార్హం.

బంగ్లాదేశ్ కొత్త పుస్తకాలలో మొత్తం నాలుగు ప్రధాన మార్పులు కనిపించబోతున్నాయి. మొదటి మార్పు ఏమిటంటే, మాజీ ప్రధానమంత్రి షేక్ హసీనా ఫొటోలు, ఆమెకు సంబంధించిన ఏదైనా టెక్స్ట్ పూర్తిగా తొలగించారు. రెండవ మార్పు ఏమిటంటే షేక్ ముజిబుర్ రెహమాన్ (Sheikh Mujibur Rahman)పాత్రను పూర్తిగా తొలగించడం. మూడవ మార్పు ఏమిటంటే, ఇందిరా(Indira), ముజిబర్ కలిసి ఉన్న ఛాయాచిత్రాలు పుస్తకంలో పూర్తిగా తొలగించడం. మరో మార్పు ఏమిటంటే, ఇప్పుడు హసీనా(Sheikh Hasina) సందేశం పుస్తకాల వెనుక కవర్‌పై కనిపించదు.ఈ మార్పులన్నింటినీ నేషనల్ కరికులం అండ్ టెక్స్ట్‌బుక్ బోర్డ్ (NCTB) చేస్తోంది.

బంగ్లాదేశ్ విద్యా మంత్రిత్వ శాఖ 57 మంది నిపుణుల బృందాన్ని ఏర్పాటు చేసిందని, వారు 441 పుస్తకాలలో ఈ మార్పులన్నింటినీ చేశారని చెబుతున్నారు. ఈ మార్పుల గురించి ది ఇండియన్ ఎక్స్‌ప్రెస్ NCTB చైర్మన్ AKM రియాజుల్ హసన్‌తో మాట్లాడినప్పుడు, 2012 పాఠ్యాంశాలు ప్రకారం మార్పులు జరిగాయని తెలిపారు. భారతదేశం పాత్రను తక్కువ చేసి చూపించారనే ఆరోపణపై హసన్ మాట్లాడుతూ, నాకు గుర్తున్నంత వరకు, పుస్తకాల వెనుక కవర్లపై ముజిబుర్, ఇందిరా గాంధీ చిత్రాలు ఉండేవని అన్నారు. కానీ ఇప్పుడు పాత పుస్తకాలన్నీ రద్దు చేశారు. ఆ చిత్రం ఇకపై కనిపించదు. కానీ స్వాతంత్ర్యంలో భారతదేశం పోషించిన పాత్ర ఏమిటో పుస్తకాలలో ఒక అధ్యాయం ఉంది.

అయితే, బంగ్లాదేశ్ పుస్తకాలలో మరికొన్ని పెద్ద మార్పులు కూడా కనిపిస్తాయి. ఉదాహరణకు, గతంలో బంగ్లాదేశ్ జాతీయ జెండా, జాతీయ గీతాన్ని పుస్తకాల మొదటి పేజీలో ఉంచేవారు కానీ ఇప్పుడు వాటిని వెనుకకు నెట్టారు. పుస్తకాలలో జాతీయ జెండా అవసరం లేదు. పిల్లలను ఆకర్షించే చిత్రాలు ఉండాలి అనేది ఇక్కడ ఇవ్వబడుతున్న తర్కం. బంగ్లాదేశ్ చరిత్రలో మరో మార్పు కనిపిస్తుందని ఎకెఎం రియాజుల్ హసన్( Reezul Hassan) అన్నారు. బంగ్లాదేశ్‌ను స్వతంత్ర దేశంగా మొదటగా గుర్తించింది భారతదేశమేనని మునుపటి పుస్తకాలు చెప్పేవని, కానీ వాస్తవానికి అలా చేసింది భూటానేనని ఆయన అంటున్నారు. ఈ వాస్తవాన్ని ఇంకా వివరంగా పరిశీలిస్తున్నారన్నది వేరే విషయం. అయితే, బంగ్లాదేశ్ పుస్తకాలలో ఒక మార్పు ఏమిటంటే, ఇప్పుడు షేక్ హసీనా పార్టీకి చెందని వ్యక్తుల జీవిత చరిత్రలను బోధిస్తారు.

నిజానికి, ఇప్పటివరకు బంగ్లాదేశ్ స్వాతంత్ర్యంలో హసీనా (Sheikh Hasina) కుటుంబ సభ్యులకు మాత్రమే ప్రాముఖ్యత ఇచ్చారు. ఉదాహరణకు, హుస్సేన్ సుహ్రావర్ది, అబుల్ కాసెం ఫజ్లుల్, ఖలీదా జియా వంటి నాయకులకు ఇప్పుడు బంగ్లాదేశ్ చరిత్రలో స్థానం లభిస్తుంది. దీనితో పాటు, షేక్ హసీనా నిష్క్రమణ కథను బంగ్లాదేశ్ పుస్తకాలలో కూడా ఉంటుంది. ఆమెను అధికారం నుండి ఎలా తొలగించారనే దాని గురించి వివరణాత్మక సమాచారం ఉంటుంది.

తాజా సవరణలతో ప్రైమరీ, సెకండరీ, ఉన్న విద్యకు సంబంధించిన 441 పుస్తకాల్లో మార్పులు చేయాల్సి వస్తోంది. 2025 విద్యా సంవత్సరానికి గాను 40కోట్లకుపైగా పుస్తకాలను ముద్రించనున్నట్లు తాత్కాలిక ప్రభుత్వంలోని విద్యాశాఖ అధికారులు వెల్లడించారు. దీనిపై ఎన్ సీటీబీ చైర్ పర్సర్ రీజుల్ హసన్ మాట్లాడుతూ..2021 కరికులమ్ ఫ్రేమ్ వర్క్ కు అనుగుణంగా సవరణలు చేసినట్లు ఆయన తెలిపారు. భవిష్యత్తులో మరిన్ని మార్పులు తీసుకురానున్నట్లు వెల్లడించారు.