Eknath Shinde : మరాఠాలపై దాడులు సహించేది లేదు : ఏక్ నాథ్ షిండే వార్నింగ్

దిశ, వెబ్ డెస్క్ : ఇటీవల మహారాష్ట్ర(Maharashtra)లోని కళ్యాణ్(Kalyan) లో ఓ మరాఠా కుటుంబంపై జరిగిన దాడిపై మహారాష్ట్ర డిప్యూటీ సీఎం ఏక్ నాథ్ షిండే(Deputy CM Eknath Shinde) తీవ్రంగా స్పందించారు. రాష్ట్రంలో మరాఠా ప్రజలపై దాడులు చేస్తే ఊరుకునేది లేదని హెచ్చరించారు. ఠానే జిల్లాలో కళ్యాణ్ లో ఓ మరాఠీ కుటుంబంపై ప్రభుత్వ ఉద్యోగులైన పొరుగువారు దాడికి పాల్పడటం రాష్ట్రవ్యాప్తంగా దుమారం రేపింది. ఈ ఘటనలో నిందితులను పోలీసులు అరెస్టు చేసినట్టు సీఎం దేవేంద్ర ఫడ్నవీస్ శాసనమండలిలో ప్రకటన చేశారని షిండే గుర్తు చేశారు. మరాఠాల హక్కులు కాపాడేందుకే స్వర్గీయ బాల్ ఠాక్రే శివసేనను స్థాపించారని, తాము ఉన్నంతకాలం మరాఠాలను కంటికి రెప్పలా కాపాడుకుంటామని పేర్కొన్నారు.