Viral: ఏటీఎం కార్డు మార్చి.. మహిళ ఖాతాలో రూ.55 వేలు స్వాహా

దిశ, డైనమిక్ బ్యూరో: ఏటీఎంలో నగదు డ్రా చేసేందుకు వచ్చిన ఓ మహిళను బురిడీ కొట్టించిన కేటుగాళ్లు ఆమె ఖాతా నుంచి రూ.55 వేలు కాజేశారు. బీహార్‌లోని లఖీసరాయ్ జిల్లా కవాయియా పోలీస్ స్టేషన్ పరిధిలోని ఐడీబీఐ ఏటీఎంలో ఈ ఘటన చోటుచేసుకుంది. పోలీసుల వివరాల ప్రకారం.. నగదు తీసుకునేందుకు వచ్చిన మహిళను ఇద్దరు దుండగులు మాటల్లో పెట్టి, చాకచక్యంగా ఆమె ఏటీఎం కార్డును మార్చేశారు. అనంతరం ఆ కార్డును ఉపయోగించి డబ్బును తస్కరించారు. ఈ ఘటనకు సంబంధించిన సీసీటీవీ ఫుటేజీ ప్రస్తుతం వైరల్‌గా మారింది. బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. గుర్తు తెలియని వ్యక్తుల చేతికి ఏటీఎం కార్డులు ఇవ్వొద్దని, పిన్ నెంబర్ రహస్యంగా ఉంచుకోవాలని పోలీసులు ప్రజలను హెచ్చరించారు.