బుర్కా ధరించి మహిళల బోగీలోకి ప్రవేశించిన కామాంధుడు
మహారాష్ట్రలోని ముంబై లోకల్ ట్రైన్ లో ఓ దుర్మార్గుడు దారుణానికి ఒడిగట్టాడు. ముస్లింలు ధరించే బుర్కా వేసుకొని, రచ్చ రచ్చ చేశాడు.
దిశ, వెబ్ డెస్: దేశంలో రోజుకో దారుణం జరుగుతోంది. కొంతమంది దుర్మార్గులు కామ వాంఛతో రెచ్చిపోతున్నారు. మహిళలను వేధించేందుకు అనేక మార్గాలను ఎంచుకుంటున్నారు. ఎక్కడ ఛాన్స్ దొరికినా వదలడం లేదు. అయితే తాజాగా ఓ దుర్మార్గుడు మహిళలను అసభ్యంగా టచ్ చేసేందుకు, సినిమా రేంజ్ లో ప్లాన్ చేశాడు. బుర్కా ( Burqa) వేసుకొని, లేడీస్ లోకల్ బోగి ఎక్కాడు. ఆ తర్వాత మహిళలను చెప్పరానిచోట తాకి, అసభ్యంగా ( molest women passengers) ప్రవర్తించినట్లు తెలుస్తోంది. ఈ సంఘటన ముంబై లోకల్ ట్రైన్ లో ( Mumbai local train) జరిగింది.
ముంబై లోకల్ ట్రైన్ లో దారుణం
మహారాష్ట్రలోని ముంబై లోకల్ ట్రైన్ లో ఓ దుర్మార్గుడు దారుణానికి ఒడిగట్టాడు. ముస్లింలు ధరించే బుర్కా వేసుకొని, రచ్చ రచ్చ చేశాడు. బుర్కా వేసుకొని లేడీ బోగి ఎక్కాడు. ఆ తర్వాత అమ్మాయిలను అసభ్యంగా టచ్ చేస్తూ, ఇబ్బంది పెట్టాడు. కొంత మందిని దారుణంగా వేధించినట్లు తెలుస్తోంది. అయితే ఆ బుర్కా గెటప్ లో ఉన్న వాడి ప్రవర్తన అనుమానంగా ఉండటం గమనించారు. అనంతరం మహిళలందరూ చుట్టు ముట్టి అసలు బండారం బయటపెట్టారు. ఇంతలోనే ట్రైన్ నుంచి జంప్ చేసి, పారిపోయాడట. ఆ తర్వాత ఘోట్కోపర్ ( Ghatkopar station) రైల్వే పోలీస్ స్టేషన్ లో ఫిర్యాదు చేశారు. దీంతో రంగంలోకి దిగిన పోలీసులు ఆ నిందితుడి కోసం గాలింపు చేస్తున్నారు. సీసీటీవీ ఫుటేజ్ ఆధారంగా ఈ కేసును దర్యాప్తు చేస్తున్నారు. ఈ సంఘటనకు సంబంధించిన వీడియో వైరల్ గా మారింది.
