ఉత్తరాఖండ్‌లో క్లౌడ్ బరస్ట్.. శిథిలాల కింద చిక్కుకున్న 10 మంది

దిశ,వెబ్‌డెస్క్: రాష్ట్రంలో భారీ వర్షాలు బీభత్సం సృష్టిస్తున్నాయి. ఉత్తరాఖండ్‌లో భారీ వర్షాలు కురవడంతో వాగులు వంకలు పొంగిపోర్లుతున్నాయి. రహదారులు చెరువులను తలపిస్తున్నాయి. పలుచోట్లు కొండచరియలు విరిగి పడుతున్నాయి. కలపను విచాక్షణరహితంగా నరకడంతోనే కొండచరియలు విరిగిపడుతున్నాయని స్థానికులు తెలిపారు. ఈ క్రమంలో తాజాగా రాష్ట్రంలో క్లౌడ్ బస్టింగ్ జరిగిందని వాతావరణ శాఖ అధికారులు వెల్లడించారు.

ఈ తరుణంలో ఉత్తరాఖండ్‌(UttarKhand)లోని ఉత్తర కాశీ జిల్లాలో క్లౌడ్‌ బరస్ట్‌(Cloud burst) సంభవించింది. దీని ప్రభావంతో బార్‌కోట్‌-యమునోత్రి మార్గంలోని సిలాయ్‌ బాంద్‌లో భారీ వర్షాలు కురిశాయి. ఈ భారీ వర్షాలకు నిర్మాణంలో ఉన్న ఓ హోటల్‌ ధ్వంసమైంది. ఈ సమయంలో అక్కడే పదిమంది కార్మికులు పనిచేస్తున్నారు. ఇక, ఒక్కసారిగా హోటల్ కూలిపోవడంతో పనిచేస్తున్న 10 మంది శిథిలాల కింద చిక్కుకున్నారు. వారి కోసం ఘటనా స్థలంలో ఎస్​డీఆర్‌ఎఫ్‌, ఎన్​డీఆర్‌ఎఫ్‌ బృందాలు సహాయక చర్యలు చేపట్టాయి. భారీ వర్షాల నేపథ్యంలో ప్రజలు అప్రమత్తంగా ఉండాలని వాతావరణ శాఖ అధికారులు సూచించారు.Link