విష్ణు నేను బట్టలు చింపుకునేలా గొడవ పడ్డాం.. అయినా సిగ్గు లేకుండా నా దగ్గరకు వచ్చాడు: ప్రసాద్

దిశ, సినిమా: నిహారిక ఎన్ఎమ్(Niharika NM), ప్రియదర్శి(Priyadarshi), విష్ణు ఓయ్, ప్రసాద్ బెహరా(Prasad Behara), రాగ్ మయూర్ ప్రధాన పాత్రలో నటిస్తున్న లేటెస్ట్ మూవీ ‘మిత్రమండలి’(mithra mandali). ఈ చిత్రంతో విజయేందర్ ఎస్ దర్శకుడిగా ఇండస్ట్రీకి పరిచయం కాబోతున్నాడు. బన్నీ వాసు సమర్పణలో రాబోతుండగా.. సప్త అశ్వ మీడియా వర్క్స్, వైరా ఎంటర్‌టైన్‌మెంట్స్ బ్యానర్స్‌పై నిర్మిస్తున్నారు. ఇప్పటికే ఈ సినిమా నుంచి అప్డేట్స్ అన్ని ప్రేక్షకులను ఎంతగానో ఆకట్టుకున్నాయి. ఇక ఈ చిత్రం అక్టోబర్ 17న విడుదల కానుంది. దీంతో రిలీజ్ తేదీ దగ్గర పడటంతో చిత్రబృందం ప్రమోషన్స్ జోరు పెంచారు. ఇందులో భాగంగా తాజాగా, ‘మిత్రమండలి’ ప్రీ-రిలీజ్ ఈవెంట్ నిర్వహించారు.

ఇక ఈ కార్యక్రమంలో పాల్గొన్న ప్రసాద్ బెహరా ఆసక్తికర కామెంట్స్ చేశాడు. ‘‘నా టీమ్‌లో విష్ణు నేను బట్టలు చింపేసుకునేలా క్యారవాన్‌లో కొట్టేసుకున్నాం. చాలా సార్లు అలా చేశాం. నేను దాన్ని బయటకు తీసుకెళ్లి అట్లా చేస్తున్నాడని పెద్ద డ్రామా చేశాను. ఆరోజంతా మాట్లాడటం మానేశాను. అయినప్పటికీ సిగ్గు లేకుండా కలిపోయేవాడు విష్ణు. మామ నేను మాట్లాడితే కానీ నువ్వు మాట్లాడవా అనేవాడు. చాలా గ్రేట్ క్వాలిటీ. తన తప్పు లేకపోయినా చాలా సార్లు నాకు క్షమాపణలు చెప్పాడు’’ అని చెప్పుకొచ్చాడు. ప్రస్తుతం ఇందుకు సంబంధించిన వీడియో నెట్టింట చక్కర్లు కొడుతోంది. దీంతో ఈ విషయం తెలుసుకున్న నెటిజన్లు విష్ణుపై ప్రశంసలు కురిపిస్తున్నారు.

READ MORE ....

బిగ్‌బాస్-9: ఆ ఇద్దరి వల్లే గేమ్ గెలవాలనుకుంటుందంటూ అంతా ఆమెను టార్గెట్.. ఈ వారం ఎలిమినేట్ కానుందా?