వంటలక్క కూతురు సరికొత్త రికార్డ్.. ఇంటర్ ఫలితాల్లో అదరగొట్టిన శౌర్య!
వంటలక్క కూతురు శౌర్య పాత్రలో నటించి, తన ముద్దు ముద్దు మాటలతో అందరినీ అలరించిన చైల్డ్ ఆర్టిస్ట్ బేబీ క్రితిక ఇప్పుడు సరికొత్త రికార్డుతో వార్తల్లో నిలిచింది.
దిశ, సినిమా: తెలుగు బుల్లితెరపై సంచలనం సృష్టించిన ‘కార్తీకదీపం’ సీరియల్ గురించి తెలియని వారుండరు. ప్రస్తుతం ఈ సీరియల్ సెకండ్ పార్ట్ కూడా టాప్ రేటింగ్తో దూసుకుపోతోంది. అయితే, మొదటి భాగంలో వంటలక్క కూతురు శౌర్య పాత్రలో నటించి, తన ముద్దు ముద్దు మాటలతో అందరినీ అలరించిన చైల్డ్ ఆర్టిస్ట్ బేబీ క్రితిక ఇప్పుడు సరికొత్త రికార్డుతో వార్తల్లో నిలిచింది. నటనలో తనదైన ముద్ర వేసిన క్రితిక, చదువులోనూ తనేంటో నిరూపించుకుంది. తాజాగా విడుదలైన తెలంగాణ ఇంటర్మీడియట్ ఫలితాల్లో ఆమె అద్భుతమైన ప్రతిభ కనబరిచింది. ఎంపీసీ (MPC) ఫస్ట్ ఇయర్ చదువుతున్న క్రితిక, మొత్తం 470 మార్కులకు గాను 459 మార్కులు సాధించి అందరినీ ఆశ్చర్యపరిచింది. అంటే ఆమెకు కేవలం 11 మార్కులు మాత్రమే తక్కువ వచ్చాయన్నమాట.
తన సాధించిన ఈ ఘనతను క్రితిక ఇన్స్టాగ్రామ్ వేదికగా అభిమానులతో పంచుకుంది. తన మార్కుల లిస్ట్ను షేర్ చేస్తూ ఆమె పెట్టిన పోస్ట్ ఇప్పుడు సోషల్ మీడియాలో తెగ వైరల్ అవుతోంది. షూటింగ్స్తో బిజీగా ఉంటూనే, ఇంతటి కఠినమైన ఎంపీసీ గ్రూపులో దాదాపు స్టేట్ టాపర్ రేంజ్ మార్కులు సాధించడం సామాన్యమైన విషయం కాదని నెటిజన్లు ప్రశంసిస్తున్నారు."వంటలక్క కూతురు మామూలుది కాదు.. చదువులోనూ పులి" అంటూ అభిమానులు సోషల్ మీడియాలో కామెంట్స్ చేస్తున్నారు. కేవలం నటనకే పరిమితం కాకుండా, భవిష్యత్తుపై స్పష్టమైన లక్ష్యంతో చదువును కూడా అంతే సీరియస్గా తీసుకున్న క్రితికపై అభినందనల జల్లు కురుస్తోంది. బుల్లితెర శౌర్య సాధించిన ఈ విజయం ఇప్పుడు తెలుగు రాష్ట్రాల్లో హాట్ టాపిక్గా మారింది.
