ఉపేంద్రకు ఊహించని షాక్.. వారిపై పోలీస్ కంప్లైంట్ ఇస్తానంటూ వీడియో రిలీజ్.. అసలేం జరిగిందంటే?
కన్నడ స్టార్ హీరో ఉపేంద్ర(Upendra)కు ఊహించని అనుభవం ఎదురైంది.
దిశ, సినిమా: కన్నడ స్టార్ హీరో ఉపేంద్ర(Upendra)కు ఊహించని అనుభవం ఎదురైంది. ఆయన భార్య ప్రియా(Priya) ఫోన్ కొంతమంది కేటుగాళ్లు హ్యాక్ చేశారు. అలాగే ఆ ట్రాప్లో ఈయన కూడా అనుకోకుండా పడటంతో ఫోన్ హ్యాక్ చేసినట్లు తెలుపుతూ సోషల్ మీడియా ద్వారా ఓ షాకింగ్ వీడియోను రిలీజ్ చేశారు. అంతేకాకుండా అభిమానులు జాగ్రత్తగా ఉండాలంటూ హెచ్చరించారు. పోలీసు కంప్లైంట్ కూడా ఇవ్వబోతున్నట్లు తెలిపాడు. ‘‘మొదట నా భార్య ప్రియాంక ఫోన్ హ్యాక్ చేశారు. ఆమె ఆన్లైన్లో ఒక ఉత్పత్తిని ఆర్డర్ చేసింది.
సోమవారం (సెప్టెంబర్ 15, సోమవారం) ఉదయం, ఆర్డర్ డెలివరీ పొందడానికి ప్రత్యేక అక్షరాలు, అక్షరాలతో కూడిన కోడ్ను టైప్ చేయమని తెలియని వ్యక్తి నుండి ఆమెకు సందేశం వచ్చింది. అయితే, కొద్దిసేపటికే, ఆమె ఫోన్ హ్యాక్ చేయబడింది. ఆ తర్వాత అనుకోకుండా నా ఫోన్ నుంచి కూడా చేశారు. అదే ట్రిక్లో పడిపోయాను. అందుకే అభిమానులు, చిత్ర పరిశ్రమలోని ఇతర నటులు, నిర్మాతలు, దర్శకులు నా ఫోన్ నంబర్ నుండి డబ్బు కోరుతూ ఎవరైనా కాల్స్ చేసినా లేదా సందేశాలు పంపినా స్వీకరించవద్దని అభ్యర్థిస్తున్నాను. నేను ఇప్పుడు ఫిర్యాదు చేయడానికి సైబర్ క్రైమ్ పోలీస్ స్టేషన్కు వెళ్తున్నాను’’ అని చెప్పుకొచ్చారు. ప్రస్తుతం ఈ వీడియో సోషల్ మీడియాలో సంచలనం సృష్టిస్తోంది. ఇక అది చూసిన నెటిజన్లు ఫోన్ ముట్టుకోవాలంటేనే వణికిపోతున్నారు.
