మళ్లీ మొదలైన గూఢచారి వేట.. ప్రియాంక చోప్రా ‘సిటాడెల్ సీజన్ 2’ రిలీజ్ డేట్ ఫిక్స్
ఇప్పుడు ‘సిటాడెల్ సీజన్ 2’లో ఆమె పోషించిన నదియా సిన్హ్ పాత్ర మరింత ఇంటెన్స్గా ఉండబోతోంది.
దిశ, సినిమా: గ్లోబల్ స్టార్ ప్రియాంక చోప్రా మళ్లీ తన మార్క్ యాక్షన్తో ప్రేక్షకులను మెప్పించడానికి సిద్ధమైంది. ఆమె ప్రధాన పాత్రలో నటించిన గూఢచారి థ్రిల్లర్ ‘సిటాడెల్’ మొదటి సీజన్ ఎంతటి సంచలనం సృష్టించిందో మనకు తెలిసిందే. అమెజాన్ ప్రైమ్ వీడియోలో టాప్ ట్రెండింగ్లో నిలిచిన ఈ సిరీస్, ఇప్పుడు రెండో సీజన్తో మరింత పవర్ఫుల్ అప్డేట్ ఇచ్చింది. మొదటి సీజన్లో ప్రియాంక చోప్రా తన నటనతో, ముఖ్యంగా యాక్షన్ సీక్వెన్స్లతో హాలీవుడ్ స్టార్లకు ధీటుగా రాణించింది. ఇప్పుడు ‘సిటాడెల్ సీజన్ 2’లో ఆమె పోషించిన నదియా సిన్హ్ పాత్ర మరింత ఇంటెన్స్గా ఉండబోతోంది. ప్రపంచాన్ని ప్రమాదం నుంచి కాపాడటానికి, గతంలో తన జ్ఞాపకాలను కోల్పోయిన గూఢచారిగా ప్రియాంక మళ్లీ తన పాత రూపంలోకి మారి చేసే పోరాటం ఈ సీజన్కు హైలైట్ కానుంది. రీసెంట్గా విడుదలైన పోస్టర్లో ప్రియాంక లుక్ చాలా పవర్ఫుల్గా ఉంది, ఇది చూస్తుంటే ఈసారి యాక్షన్ డోస్ డబుల్ అవ్వడం ఖాయమనిపిస్తోంది.
చాలా కాలంగా అభిమానులు ఎదురుచూస్తున్న ఈ రెండో సీజన్ను మే 6, 2026న విడుదల చేస్తున్నట్లు అమెజాన్ అధికారికంగా ప్రకటించింది. కేవలం ఇంగ్లీష్లోనే కాకుండా తెలుగు, తమిళం, హిందీ, మలయాళ భాషల్లో కూడా ఇది అందుబాటులోకి రానుంది. ఇందులో రిచర్డ్ మ్యాడెన్ (మేసన్ కేన్) తో కలిసి ప్రియాంక చోప్రా ‘మాంటికోర్’ అనే ప్రమాదకరమైన విద్రోహ సంస్థతో తలపడనుంది. ‘‘కొత్త బృందం... కొత్త లక్ష్యం... ప్రపంచాన్ని రక్షించడానికి ఒక్క అవకాశం’’ అనే కోట్తో వచ్చిన ట్రైలర్ నెటిజన్లను విపరీతంగా ఆకట్టుకుంటోంది. హాలీవుడ్ రేంజ్ మేకింగ్ విలువలతో, ప్రియాంక చోప్రా చేసే అద్భుతమైన ఫైట్ సీన్స్ ఈ సిరీస్ను మరో స్థాయికి తీసుకెళ్తాయని సినీ ప్రియులు భావిస్తున్నారు. ప్రియాంక ఫ్యాన్స్ సోషల్ మీడియాలో ఈ అప్డేట్ను తెగ షేర్ చేస్తూ రచ్చ చేస్తున్నారు.
