హిట్ మూవీ సీక్వెల్ రిలీజ్ తేదీ ఖరారు.. ప్రేమ పురాణం మళ్లీ తిరిగి వస్తుందంటూ యంగ్ బ్యూటీ పోస్ట్
బాలీవుడ్ యంగ్ బ్యూటీ సోనమ్ బజ్వా(Sonam Bajwa) వరుస హిట్స్ తన ఖాతాలో వేసుకుంటూ ఫుల్ ఫామ్లో ఉంది.
దిశ, సినిమా: బాలీవుడ్ యంగ్ బ్యూటీ సోనమ్ బజ్వా(Sonam Bajwa) వరుస హిట్స్ తన ఖాతాలో వేసుకుంటూ ఫుల్ ఫామ్లో ఉంది. ప్రస్తుతం ఈ అమ్మడు సీక్వెల్స్తో ప్రేక్షకుల ముందుకు రాబోతోంది. బోర్డర్-2, భాఘీ-4 వంటి సినిమాల్లో హీరోయిన్గా నటిస్తోంది. తాజాగా, ఓ హిట్ మూవీ సీక్వెల్పై అధికారిక ప్రకటన విడుదల చేసింది. ‘నిక్కా జైల్దార్-4’(Nikka Jaildar-4) సినిమా విడుదల డేట్ ప్రకటిస్తూ పోస్టర్ను షేర్ చేసింది. ఈ చిత్రం ఘన విజయం సాధించిన ‘నిక్కా జైల్దార్-3’ కి సీక్వెల్గా రాబోతుంది. సిమర్జిత్ సింగ్(Simarjit Singh) దర్శకత్వంలో తెరకెక్కిన ఈ సినిమాను అమ్నీత్, రామ్నీత్ నిర్మించారు.
ఇందులో నిషాబానో, సుఖి చాహల్, గుమ్నీత్ సాజన్, కీలక పాత్రలో కనిపించనున్నారు. షూటింగ్ పూర్తి చేసుకున్న ఈ మూవీ మార్చిలో విడుదల కావాల్సి ఉండగా.. పలు కారణాల వల్ల వాయిదా పడింది. ఇక ఇప్పుడు ఈ సినిమా సెప్టెంబర్ 12న థియేటర్స్లోకి రాబోతోంది. ఈ విషయాన్ని రివీల్ చేస్తూ సోనమ్ ‘‘నవ్వు.. ప్రేమ.. పురాణం తిరిగి వస్తుంది! ‘నిక్కా జైల్దార్-4’తో మస్తీ, పిచ్చిని ఒకేసారి చూస్తారు. కౌంట్డౌన్ ప్రారంభమవుతుంది.. ట్రైలర్ త్వరలో మీ ముందుకు వస్తుంది. 12 సెప్టెంబర్ 2025న సినిమాల్లోకి రాబోతోంది’’ అని రాసుకొచ్చింది.
