‘యు.ఎస్‌.ఎ’లో మొదలైన ‘గాంఢీవధారి అర్జున’ నయా షెడ్యూల్

దిశ, సినిమా: మెగా ప్రిన్స్ వ‌రుణ్‌తేజ్ నటిస్తున్న నయా మూవీ ‘గాంఢీవ‌ధారి అర్జున’. ప్రవీణ్ స‌త్తారు తెర‌కెక్కిస్తున్న సినిమానుంచి ఇటీవ‌లే విడుదలచేసిన స్ట్రైకింగ్ గ్లింప్స్‌, టైటిల్‌కి అద్భుత‌మైన స్పంద‌న వ‌స్తోంది. ఈ క్రమంలోనే మరో అప్ డేట్ ఇచ్చిన మేకర్స్.. ఈ మూవీ న‌యా షెడ్యూల్‌ను యుఎస్ఎలోని ముసోరిలో పిక్చర్‌స్క్వేర్ లొకేష‌న్లలో ప్రారంభించినట్లు తెలిపారు. అలాగే అక్టోబర్ వరకూ శరవేగంగా షూటింగ్ జరిపి వీలైనంత త్వరగా ప్రేక్షకుల ముందుకు తీసుకొస్తామన్నారు. ఎస్వీసీసీ ప‌తాకంపై బీవీయ‌స్‌య‌న్ ప్రసాద్‌, బాపినీడు నిర్మిస్తున్న సినిమాలో సెక్యూరిటీ ఆఫీస‌ర్‌గా కనిపించనున్నాడు వరుణ్. ఇక మిక్కీ.జె.మేయ‌ర్‌ సంగీతం అందిస్తున్న సినిమాకు సంబంధించిన మిగతా విషయాలు త్వర‌లోనే వెల్లడిస్తామని చిత్రబృందం తెలిపింది.