ఆంధ్రా నుంచి తెలంగాణ వరకు మోతమోగిపోవాల్సిందే.. బిగ్ సర్ప్రైజ్ రాబోతుందంటూ మేకర్స్ పోస్ట్
యంగ్ అండ్ టాలెంటెడ్ హీరో నవీన్ పొలిశెట్టి (Naveen Polishetty)హీరోగా, గ్లామరస్ బ్యూటీ మీనాక్షి చౌదరి (Meenakshi Chaudhary)హీరోయిన్గా నటిస్తున్న మూవీ ‘అనగనగా ఒక రాజు’.
దిశ, సినిమా: యంగ్ అండ్ టాలెంటెడ్ హీరో నవీన్ పొలిశెట్టి (Naveen Polishetty)హీరోగా, గ్లామరస్ బ్యూటీ మీనాక్షి చౌదరి (Meenakshi Chaudhary)హీరోయిన్గా నటిస్తున్న లేటెస్ట్ మూవీ ‘అనగనగా ఒక రాజు’పై ప్రేక్షకుల్లో ఇప్పటికే భారీ అంచనాలు నెలకొన్నాయి. మారి దర్శకత్వంలో తెరకెక్కిన ఈ చిత్రం ఓ పూర్తి స్థాయి కామెడీ ఎంటర్టైనర్గా రూపొందుతోంది. తెలుగు భాషలో రూపొందిన ఈ చిత్రాన్ని సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా నిర్మించారు. ఇప్పటికే షూటింగ్ పూర్తి చేసుకున్న ఈ సినిమా సంక్రాంతి కానుకగా జనవరి 14న థియేటర్లలో ప్రేక్షకుల ముందుకు రాబోతోంది. విడుదలకు ఇక రేపు ఒక్క రోజు మాత్రమే మిగిలి ఉండడంతో ప్రమోషన్స్ను మూవీ మేకర్స్ మరింత వేగంవంతం చేశారు. ఈ క్రమంలో అభిమానులకు ఓ బిగ్ సర్ప్రైజ్ ఇవ్వబోతున్నామని ట్విట్టర్ ద్వారా అధికారికంగా ప్రకటించారు.
‘అనగనగా ఒక రాజు’ నుంచి మూడో పాటను ఈ రోజు సాయంత్రం 7 గంటలకు విడుదల చేయనున్నట్లు మేకర్స్ వెల్లడించారు. ఈ పాటలో నవీన్ పొలిశెట్టితో పాటు సాన్వి మేఘన స్పెషల్ అట్రాక్షన్గా కనిపించనున్నట్లు తెలిపారు. ఇందుకు సంబంధించిన ఓ మాస్ పోస్టర్ను షేర్ చేస్తూ, ఈ సాంగ్లో నవీన్ పొలిశెట్టి ఫుల్ ఎనర్జీ డ్యాన్స్తో ప్రేక్షకులను అలరించబోతున్నాడని హింట్ ఇచ్చారు. ఇప్పటికే రిలీజ్ అయిన టీజర్, పాటలకు మంచి రెస్పాన్స్ రావడంతో ఈ మూడో సాంగ్పై కూడా భారీ అంచనాలు నెలకొన్నాయి. ముఖ్యంగా నవీన్ పొలిశెట్టి కామెడీ టైమింగ్, డ్యాన్స్ స్టెప్స్తో పాటు సాన్వి మేఘన గ్లామర్ ఈ పాటను మరో లెవెల్కు తీసుకెళ్లబోతుందని అభిమానులు ఆశిస్తున్నారు. ఇక ఈ పాట ఆంధ్ర నుంచి తెలంగాణ వరకు సౌండ్ బాక్సులను మోతమోగిస్తుందని మేకర్స్ తెలిపారు. సంక్రాంతి రేసులో వస్తున్న ఈ సినిమా బాక్సాఫీస్ వద్ద ఎలాంటి సంచలనం సృష్టిస్తుందో చూడాలి.
