ది కేరళ స్టోరీ హీరోయిన్కు షాక్.. సోషల్ మీడియాలో పర్సనల్ డాటా!
హార్ట్ ఎటాక్ చిత్రంతో ఇండస్ట్రీలో అడుగు పెట్టిన హీరోయిన్ ఆదాశర్మ తాజాగా రీలీజైన ‘‘ది కేరళ స్టోరీ చిత్రంలో నటించి మరింత పేరు సంపాదించుకుంది.
దిశ, వెబ్డెస్క్: ‘హార్ట్ ఎటాక్’ చిత్రంతో ఇండస్ట్రీలో అడుగు పెట్టిన హీరోయిన్ ఆదాశర్మ తాజాగా రీలీజైన ‘‘ది కేరళ స్టోరీ చిత్రంలో నటించి మరింత పేరు సంపాదించుకుంది. ‘సదీస్తో సేన్ ది’ దర్శకత్వంలో తెరకెక్కిన ఈ చిత్రం బాక్సాఫీస్ వద్ద ఇప్పటికే రూ. 200 కోట్లకు పైగా వసూళ్లు రాట్టింది. కేరళ రాష్ట్రంలో లవ్ జిహాద్ పెద్ద ఎత్తున జరు గుతుంది. హిందూ, క్రిస్టియన్ అమ్మాయిలను ముస్లిం యువకులు ప్రేమించి, వాళ్ళను ఉగ్రవాదులుగా మారుస్తున్నారనే అంశాలను ఈ మూవీలో చూపించారు. దీంతో కొన్ని రాజకీయ వర్గాలు, ముస్లిం కమ్యూనిటీ ఈ సినిమాని వ్యతిరేకిస్తున్నాయి. అయితే తాజాగా ఓ వ్యక్తి ఆదా శర్మనే టార్గెట్ చేశాడు. ఆమె పర్సనల్ ఇన్ఫర్మేషన్ను సోషల్ మీడియాలో పెట్టి..‘‘మరొసారి ముస్లింలకు వ్యతిరేకంగా సినిమాలు తీస్తే పర్యవసనాలు ఇంకా దారుణంగా ఉంటాయని’’ హెచ్చరించాడు. ఆ వ్యక్తిపై హీరోయిన్ సైబర్ క్రైమ్ విభాగంలో కంప్లైంట్ చేసింది.
