మళ్లీ కలిసిన హిట్ జోడీ.. శ్రీవిష్ణు ‘మృత్యుంజయ్’ నుంచి హీరోయిన్ పవర్ ఫుల్ పోస్టర్ విడుదల

దిశ, సినిమా: టాలీవుడ్ వెర్సటైల్ హీరో శ్రీవిష్ణు(Sri Vishnu) నటిస్తున్న లేటెస్ట్ ఇన్వెస్టిగేటివ్ థ్రిల్లర్ ‘మృత్యంజయ్’(Mrityunjay). విలక్షణమైన కాన్సెప్ట్‌లతో ప్రేక్షకులను అలరించే శ్రీవిష్ణు, ఈసారి ఒక గ్రిప్పింగ్ సస్పెన్స్ డ్రామాతో మన ముందుకు వస్తున్నారు. ఫిబ్రవరి 27న సినిమా విడుదల కానున్న నేపథ్యంలో, చిత్ర యూనిట్ ప్రమోషన్ల జోరు పెంచింది. ఇందులో భాగంగా చిత్ర కథానాయిక రేబా మోనికా జాన్ ఫస్ట్ లుక్ పోస్టర్‌ను మేకర్స్ తాజాగా రిలీజ్ చేశారు. ఈ సినిమాలో రేబా జాన్ గతంలో ఎన్నడూ చూడని విధంగా ఒక పవర్‌ఫుల్ పోలీస్ ఆఫీసర్ పాత్రలో మెరవబోతోంది. ఆమె పాత్ర పేరు ‘సీతా పరుశురామ్’ అని రివీల్ చేస్తూ విడుదల చేసిన పోస్టర్‌లో ఆమె ఖాకీ డ్రెస్సులో చాలా ఇంటెన్సివ్‌గా కనిపిస్తోంది. ఇక ఈ పోస్ట్‌కు ‘‘వివరాల మధ్య దాగి ఉన్న ఆ నీడల యుద్ధం... అప్పుడే సీత పరశురామ్ ఈ వేటలోకి ప్రవేశిస్తోంది’’ అనే క్యాప్షన్ జత చేసి అంచనాలను పెంచారు.

హుస్సేన్ షా కిరణ్ (Hussein Shah Kiran)దర్శకత్వంలో తెరకెక్కుతున్న ఈ చిత్రాన్ని సందీప్ గున్నం, వినయ్ చిలకపాటి నిర్మిస్తున్నారు. ఫిబ్రవరి చివరి వారంలో థియేటర్లలోకి రాబోతున్న ఈ ఇన్వెస్టిగేటివ్ థ్రిల్లర్, శ్రీవిష్ణు బాక్సాఫీస్ వద్ద మరో హిట్‌ను తన ఖాతాలో వేసుకునేలా కనిపిస్తోంది. శ్రీవిష్ణు, రేబా మోనికా జాన్ కలిసి నటించిన ‘సామజవరగమన’ గతంలో బాక్సాఫీస్ వద్ద భారీ విజయాన్ని అందుకుంది. ఆ సినిమాలో వీరిద్దరి మధ్య ఉన్న కెమిస్ట్రీ, కామెడీ ప్రేక్షకులను బాగా అలరించింది. ఇక ఇప్పుడు ‘మృత్యంజయ్’ కోసం ఈ హిట్టు కాంబో మళ్ళీ చేతులు కలపడం సినిమాపై అంచనాలను పెంచుతోంది. అయితే, ఈసారి వారు వినోదం కంటే సీరియస్ ఇన్వెస్టిగేషన్, సస్పెన్స్‌తో ప్రేక్షకులను థ్రిల్ చేయబోతున్నారని అర్థమవుతోంది.