గన్నూ భాయ్ వచ్చేశాడు.. గట్టిగా కొడతాడు.. హైప్ పెంచుతున్న ‘దేత్తడి’ గ్లింప్స్

దిశ, సినిమా: టాలీవుడ్ యంగ్ హీరో ఆశిష్ రెడ్డి తన రూటు మార్చాడు. రొమాంటిక్ లవర్ బాయ్ ఇమేజ్ నుంచి కంప్లీట్ మాస్ అవతారంలోకి మారిపోయాడు. ఆయన నటిస్తున్న మాస్ యాక్షన్ ఎంటర్టైనర్ ‘దేత్తడి’. ప్రముఖ నిర్మాత దిల్ రాజు నిర్మాణంలో శ్రీ వెంకటేశ్వర క్రియేషన్స్ బ్యానర్‌పై రూపొందుతున్న ఈ చిత్రం షూటింగ్ ప్రస్తుతం శరవేగంగా జరుగుతోంది. తాజాగా ఈ సినిమాకు సంబంధించి మేకర్స్ విడుదల చేసిన స్పెషల్ గ్లింప్స్ ఇప్పుడు సోషల్ మీడియాలో సెన్సేషన్ క్రియేట్ చేస్తోంది. ఈ గ్లింప్స్‌లో ఆశిష్ ఎంట్రీ అదిరిపోయింది. నోట్లో బీడీ, చేతిలో బ్యాండ్, రంగురంగుల చొక్కాతో పూర్తి స్థాయి మాస్ లుక్‌లో ఆశిష్ కనిపించి అందరినీ ఆశ్చర్యపరిచారు. ముఖ్యంగా ఇందులో ఆయన చెప్పిన డైలాగ్స్ మాస్ ఆడియన్స్‌కు విపరీతంగా కనెక్ట్ అవుతున్నాయి.

“బ్యాండోళ్లం అన్న.. గట్టిగ కొట్టుడు అలవాటైపోయింది” అనే డైలాగ్ సినిమాలోని ఇంటెన్సిటీని తెలియజేస్తోంది. డైరెక్టర్ ఆదిత్య రావు గంగసాని ఈ చిత్రాన్ని అత్యంత ప్రతిష్టాత్మకంగా తెరకెక్కిస్తున్నారు. మాస్ ప్రేక్షకులకు కావాల్సిన హై-వోల్టేజ్ ఎలిమెంట్స్, ఎమోషన్స్ ఈ సినిమాలో పుష్కలంగా ఉన్నాయని గ్లింప్స్ ద్వారా అర్థమవుతోంది. ఈ సినిమా మొత్తం ఒక జాతర వాతావరణంలో సాగుతున్నట్లు తెలుస్తోంది. చిత్ర యూనిట్ గ్లింప్స్ విడుదల చేస్తూ జత చేసిన క్యాప్షన్ ‘‘గన్ను భాయ్ వచ్చేస్తున్నాడు... బ్యాండోడు కదా.. గట్టిగా కొడతాడు’’ సినిమాపై మరింత క్యూరియాసిటీని పెంచుతోంది. విజువల్స్ అన్నీ చాలా కలర్ ఫుల్ గా, గ్రాండ్‌గా ఉన్నాయి. మొత్తానికి ‘దేత్తడి’ గ్లింప్స్ తో ఆశిష్ మాస్ హీరోగా తన మార్క్ చూపించడానికి సిద్ధమైపోయారు. ఈ సినిమా థియేటర్లలోకి ఎప్పుడు వస్తుందా అని అటు అభిమానులు, ఇటు మాస్ ప్రేక్షకులు ఆసక్తిగా ఎదురుచూస్తున్నారు.