అందమైన ప్రేమకథలో అదిరిపోయే మలుపులు.. ఆది సాయికుమార్ కొత్త సినిమా టైటిల్ ప్రకటన
వారు వేర్వేరు ప్రపంచాలకు చెందినవారు.. కానీ విధి వారిని ఒకరికొకరు సొంతమయ్యేలా చేసింది.
దిశ, సినిమా: టాలీవుడ్ యంగ్ అండ్ టాలెంటెడ్ హీరో ఆది సాయికుమార్ ప్రస్తుతం కెరీర్ పరంగా ఫుల్ స్వింగ్లో ఉన్నారు. ఇటీవల ‘శంబాల’ చిత్రంతో సాలిడ్ హిట్ అందుకున్న ఆయన, అదే జోష్తో తన తదుపరి చిత్రాన్ని పట్టాలెక్కించారు. ప్రముఖ నిర్మాణ సంస్థ హాస్య మూవీస్ బ్యానర్పై ప్రొడక్షన్ నంబర్ 10గా తెరకెక్కుతున్న ఈ చిత్రానికి ‘సైరాబాను’ అనే ఇంట్రెస్టింగ్ టైటిల్ను ఖరారు చేశారు. తాజాగా, ఈ ఈ సినిమా టైటిల్తో పాటు మేకర్స్ విడుదల చేసిన క్యాప్షన్ అందరిలో ఆసక్తిని రేకెత్తించింది. "వారు వేర్వేరు ప్రపంచాలకు చెందినవారు.. కానీ విధి వారిని ఒకరికొకరు సొంతమయ్యేలా చేసింది" అంటూ విధి, ప్రేమ, నమ్మకం కలయికతో సాగే ఒక సరదా ప్రయాణంగా ఈ కథ ఉండబోతోందని చిత్ర యూనిట్ స్పష్టం చేసింది.
అంతేకాకుండా పూజా కార్యక్రమాలతో ఘనంగా ప్రారంభించనున్నట్లు తెలిపారు. ఇక విడుదలైన పోస్టర్లో చార్మీనార్ను చూపించడంతో పాటుగా ఓ హార్ట్ సింబల్ను జోడించి అందరినీ మెస్మరైజ్ చేశారు. ఈ ప్రాజెక్ట్ ఎన్నో మలుపులతో పాటు ప్రేమకథగా చిత్రంగా రాబోతుందని స్పష్టం అవుతోంది. ఇక ఫని క్రిష్ణ సిరికి దర్శకత్వం వహిస్తున్న ఈసినిమాకు రాజేష్ దండా అత్యంత ప్రతిష్టాత్మకంగా నిర్మిస్తున్నారు. ఈ మూవీ ద్వారా బాంధవి శ్రీధర్ హీరోయిన్గా వెండితెరకు పరిచయం కాబోతోంది. ఆది సాయికుమార్ సరసన ఆమె జోడీ క్యూట్గా ఉండబోతోందని ఇన్సైడ్ టాక్. వరుస విజయాలతో ఫామ్లో ఉన్న ఆది, ఈసారి ఒక ఫీల్ గుడ్ లవ్ స్టోరీతో ప్రేక్షకులను మెప్పించడానికి సిద్ధమయ్యారు. రాజేష్ దండా నిర్మాణ విలువలు, ఫని క్రిష్ణ మేకింగ్ ఈ సినిమాకు ప్రధాన ఆకర్షణగా నిలవనున్నాయి.
