ఆరు ప్రాజెక్ట్లు ప్రేక్షకులకు ఉత్తేజాన్ని అందిస్తాయి.. మేకర్స్ సెన్సేషనల్ ట్వీట్
ప్రముఖ నిర్మాణ సంస్థ 70mmఎంటర్టైన్మెంట్స్ ఒకేసారి ఆరు ప్రాజెక్టులు అనౌన్స్ చేసి అందరినీ ఆశ్చర్యానికి గురి చేసింది.
దిశ, సినిమా: ప్రముఖ నిర్మాణ సంస్థ 70mmఎంటర్టైన్మెంట్స్ ఒకేసారి ఆరు ప్రాజెక్టులు అనౌన్స్ చేసి అందరినీ ఆశ్చర్యానికి గురి చేసింది. అంతేకాకుండా ఈ ప్రాజెక్టలుకు సంబంధించిన పూజా కార్యక్రమాలను కూడా నిర్వహించారు. అలాగే కేవలం రెండేళ్లలో ఆరు చిత్రాలను విడుదల చేయనున్నట్లు ప్రకటిస్తూ విజయ్ చిల్లా(Vijay Chilla),శశి దేవిరెడ్డి(Shashi Devi Reddy) సెన్సేషనల్ ప్రకటన చేశారు. ‘‘70mm ఎంటర్టైన్మెంట్స్లో మేము అధికారికంగా ఆరు కొత్త స్క్రిప్టులను నిర్మాణం కోసం లాక్ చేశామని తెలియజేయడానికి సంతోషిస్తున్నాము. ఈ చిత్రాలు రెండు సంవత్సరాల్లో విడుదల కాబోతున్నాయి.
ప్రతి ఒక్కటి పెద్ద స్క్రీన్పై మ్యాజిక్ చేయబోతున్నాయి. మా బ్యానర్లో వచ్చిన భలే మంది రోజు, అనందో బ్రహ్మ వంటి ప్రాజెక్ట్స్ ప్రేక్షకులతో లోతుగా కనెక్ట్ అవ్వడమే లక్ష్యంగా పెట్టుకుని తీసినవే. మా కొత్త ప్రాజెక్ట్స్ కూడా ఉత్తేకరంగా ఉండబోతున్నాయి. రాబోయే రోజుల్లో నటీనటులు, సిబ్బంది గురించి ప్రకటిస్తాము. ఈ ఆరు సినిమాలు స్వరం, శైలిలో విభిన్నంగా ఉంటాయి. కానీ అవి ఒక సాఘధారణ థ్రెడ్ను పంచుకుంటాయి. తాజా, ఆలోచనలు, బలమైన భావోద్వేగాలు, నాణ్యమైన సినిమా, రాజీపడని నిబద్ధతను కలిగి ఉంటాయి. వాటిని జీవం పోసి పెద్ద తెరపై మీతో పంచుకోవడానికి మేము వేచి ఉండలేకపోతున్నాము’’ అని రాసుకొచ్చారు.
