‘టార్టాయిస్’ నుండి శృతి లుక్ చూస్తే ఫిదా అవ్వాల్సిందే.. రాజ్ తరుణ్తో రొమాన్స్ చేయనున్న యంగ్ బ్యూటీ!
ఈ సినిమాలో అమృత చౌదరి కీలకమైన పాత్రలో నటిస్తున్నట్లు ప్రకటించారు. ఆమె పుట్టినరోజు సందర్భంగా మేకర్స్ ఒక స్పెషల్ పోస్టర్ను రిలీజ్ చేశారు.
దిశ, సినిమా: యంగ్ హీరో రాజ్ తరుణ్(Raj Tarun) వరుస సినిమాలతో దూసుకుపోతున్నారు. ఆయన నటిస్తున్న లేటెస్ట్ డిఫరెంట్ మూవీ ‘టార్టాయిస్’ (Tortoise). రిత్విక్ కుమార్ (Rithvik Kumar)దర్శకత్వంలో తెరకెక్కుతున్న ఈ సినిమాపై ఇండస్ట్రీలో మంచి ఆసక్తి నెలకొంది. తాజాగా.. ఈ చిత్రం నుండి హీరోయిన్ అమృత చౌదరికి (Amrutha Chowdary)సంబంధించిన ఒక క్రేజీ అప్డేట్ను చిత్ర యూనిట్ విడుదల చేసింది. ఈ సినిమాలో అమృత చౌదరి ‘శృతి’ అనే కీలకమైన పాత్రలో నటిస్తున్నట్లు ప్రకటించారు. ఆమె పుట్టినరోజు సందర్భంగా మేకర్స్ ఒక స్పెషల్ పోస్టర్ను రిలీజ్ చేశారు. ఈ పోస్టర్లో అమృత గ్రీన్ కలర్ లంగా ఓణి ధరించి, చాలా పద్ధతిగా, ఒక అమాయకపు పల్లెటూరి అమ్మాయిలా మెరిసిపోతోంది. ఆమె కళ్లలో ఉన్న ఆ అమాయకత్వం నెటిజన్లను విపరీతంగా ఆకట్టుకుంటోంది.
ఈ పోస్టర్ చూస్తుంటే, సినిమాలో ఆమె పాత్ర చాలా క్యూట్గా, నేచురల్గా ఉండబోతోందని అర్థమవుతోంది. ప్రశ్విత ఎంటర్టైన్మెంట్స్, ఎస్ కె గోల్డెన్ ఆర్ట్స్, చందమామ క్రియేషన్స్, ఎన్ వి ఎల్ క్రియేషన్స్ బ్యానర్స్పై శశిధర్ నల్ల, విజయ్ కుమార్, సంతోష్ ఇమ్మడి, రామిశెట్టి రాంబాబు ఈ చిత్రాన్ని సంయుక్తంగా నిర్మిస్తున్నారు. గత ఏడాదే పూజా కార్యక్రమాలు పూర్తి చేసుకున్న ఈ సినిమా షూటింగ్ ప్రస్తుతం చివరి దశకు చేరుకున్నట్లు తెలుస్తోంది. ఇక ఈ చిత్రంలో మరో టాలెంటెడ్ నటి ధన్య బాలకృష్ణ కూడా ఒక కీలక పాత్రలో కనిపించబోతుండటం విశేషం. టైటిల్ ‘టార్టాయిస్’ (తాబేలు) అని పెట్టడంతోనే ఈ కథలో ఏదో కొత్తదనం ఉందని అందరూ భావిస్తున్నారు. రాజ్ తరుణ్ తనదైన శైలిలో ఈ చిత్రంలో మెప్పించబోతున్నారు. త్వరలోనే ఈ సినిమా టీజర్ లేదా విడుదల తేదీ గురించి మరిన్ని వివరాలు వచ్చే అవకాశం ఉందని టాక్.
