ర‌జ‌నీ కాంత్ ఆఫ‌ర్‌.. తిరస్కరించిన షారుఖ్ ఖాన్ !

దిశ, సినిమా: ఇటీవ‌ల ద‌ళ‌ప‌తి విజ‌య్‌తో తెర‌కెక్కించిన ‘లియో’ మూవీతో మరో బ్లాక్ బ‌స్టర్ హిట్ అందుకున్న ద‌ర్శకుడు లోకేశ్ క‌న‌గ‌రాజ్. కాగా తన తదుపరి చిత్రం సూప‌ర్‌ స్టార్ ర‌జ‌నీకాంత్‌తో ‘త‌లైవ‌ర్ 171’ తీయనున్నాడు. అయితే తాజా స‌మాచారం ప్రకారం ఈ మూవీలో ఓ స్పెషల్ గెస్ట్ రోల్ కోసం బాలీవుడ్ కింగ్ షారూఖ్‌ ఖాన్‌ను లోకేశ్ సంప్రదించగా.. ఈ ఆఫ‌ర్‌ని సున్నితంగా తిర‌స్కరించాడు షారుఖ్. ఎందుకంటే ఇటీవ‌ల ‘టైగ‌ర్ 3’ ‘బ్రహ్మాస్త్ర’ లాంటి చిత్రాల్లో అత‌థి పాత్రల్లో న‌టించిన షారుఖ్‌కి పెద్దగా ఒరిగిందేమీ లేదు. ఈ కారణంగానే ర‌జ‌నీ మూవీలో గెస్ట్ రోల్ చేసేందుకు ఇంట్రెస్ట్ చూపలేదని తెలిసింది. ఇది విన్న ఫ్యాన్స్ తిరస్కరించడానికి ముందు షారుఖ్ ఒకసారి ఆలోచించుకుంటే బాగుండు అని కామెంట్స్ చేస్తున్నారు.