రామాయణ ఇతిహాసంలో సీతగా సాయి పల్లవి? కన్నులపండుగేనంటున్న ఫ్యాన్స్

దిశ, సినిమా: స్టార్ నటీమణులు అలియా భట్, సాయి పల్లవిలకు సంబంధించి ఓ ఇంట్రెస్టింగ్ అప్‌డేట్ నెట్టింట చక్కర్లు కొడుతోంది. ఈ మేరకు నితీష్‌ తివారి దర్శకత్వంలో రామాయణం ఇతిహాసం ఆధారంగా హిందీలో ఓ సినిమా తెరకెక్కబోతున్న సంగతి తెలిసిందే. కాగా అల్లు అరవింద్‌, మధు మంతెన భారీ స్థాయిలో నిర్మించబోతున్న ఈ మూవీలో రాముడిగా రణ్‌బీర్‌కపూర్‌, సీత పాత్రలో అలియాభట్‌ నటించనున్నారని ఇటీవల వార్తలు వెలువడ్డాయి. అయితే తాజా సమాచారం ప్రకారం ఈ ప్రాజెక్ట్‌ నుంచి అలియాభట్‌ తప్పుకున్నట్లు తెలుస్తోంది. ప్రస్తుతం హాలీవుడ్‌తో పాటు వరుస బాలీవుడ్‌ ప్రాజెక్ట్‌లతో బిజీగా ఉన్న అలియా ఈ చిత్రానికి డేట్స్‌ ఇవ్వలేకపోతుందని, ఈ నేపథ్యంలో సీత పాత్రలో సాయిపల్లవిని సెలక్ట్ చేసినట్లు టాక్ నడుస్తోంది. అంతేకాదు ఈ విషయంపై సాయిపల్లవితో చర్చలు జరపారని, ఆమెకూడా పాజిటీవ్‌గా స్పందించినట్లు సమాచారం. అయితే నిజంగానే సాయి పల్లవి ఈ పాత్ర చేసేందుకు ఒప్పుకుంటే సీతగా అదరగొట్టేస్తుందని, కన్నులపండుగగా ఉంటుందంటూ ఫ్యాన్స్ ఎగ్జయిట్‌ అవుతున్నారు.