రా ఏజెంట్‌గా మారుతున్న రోషన్.. హిట్ డైరెక్టర్‌తో మరో క్రేజీ ప్రాజెక్ట్ ఫిక్స్

దిశ, సినిమా: టాలీవుడ్ యంగ్ హీరో రోషన్ మేక తన రూట్ మారుస్తున్నారు. ‘పెళ్లి సందడి’ వంటి లవ్ స్టోరీ, ‘ఛాంపియన్’ వంటి పీరియాడికల్ స్పోర్ట్స్ డ్రామా తర్వాత ఇప్పుడు ఒక ఇంటెన్స్ స్పై థ్రిల్లర్ కోసం సిద్ధమయ్యారు. ‘హిట్’ ఫ్రాంచైజీతో తనకంటూ ఒక ప్రత్యేక గుర్తింపు తెచ్చుకున్న దర్శకుడు శైలేష్ కొలను దర్శకత్వంలో రోషన్ తన తర్వాతి సినిమా చేయబోతున్నారని సమాచారం. ‘ఛాంపియన్’ బాక్సాఫీస్ వద్ద మంచి వసూళ్లు (సుమారు రూ. 17 కోట్లు) సాధించి రోషన్‌కు మంచి బ్రేక్ ఇవ్వడంతో, ఇప్పుడు ఈ క్రేజీ కాంబినేషన్ పై భారీ అంచనాలు నెలకొన్నాయి.

ఈ సినిమాను ప్రముఖ నిర్మాణ సంస్థ సితార ఎంటర్టైన్మెంట్స్ బ్యానర్‌పై సూర్యదేవర నాగవంశీ నిర్మిస్తున్నారు. తాజా సమాచారం ప్రకారం..ఈ చిత్రానికి ‘ఖుషి’, ‘హాయ్ నాన్న’ ఫేమ్ హేషమ్ అబ్దుల్ వాహబ్ సంగీతం అందించబోతున్నారు. మార్చి నుంచి రెగ్యులర్ షూటింగ్ ప్రారంభం కానుండగా, రోషన్ ఇందులో ఒక పవర్‌ఫుల్ రా ఏజెంట్ (RAW Agent) పాత్రలో కనిపించబోతున్నట్లు టాక్. 'సీతారామం' తరహాలో సాగే ఇంటెన్స్ ఎమోషన్స్ కూడా ఈ కథలో ఉంటాయని తెలుస్తోంది. త్వరలోనే ఈ మూవీకి సంబంధించిన అనౌన్స్‌మెంట్ వీడియోను చిత్ర యూనిట్ విడుదల చేయనుందని టాక్. ఈ ప్రాజెక్ట్ రోషన్‌ను మాస్ ఆడియన్స్‌కు మరింత దగ్గర చేస్తుందట.