ఓటీటీలోకి వచ్చేస్తున్న ‘రివాల్వర్ రీటా’.. స్ట్రీమింగ్ తేదీపై అధికారిక ప్రకటన విడుదల
టాలీవుడ్ టాలెంటెడ్ నటి కీర్తి సురేష్(Keerthy Suresh) భాషతో సంబంధం లేకుండా వరుస చిత్రాలు చేస్తోంది.
దిశ, సినిమా: టాలీవుడ్ టాలెంటెడ్ నటి కీర్తి సురేష్(Keerthy Suresh) భాషతో సంబంధం లేకుండా వరుస చిత్రాలు చేస్తోంది. గత ఏడాది పెళ్లి చేసుకున్న ఈ భామ ఇండస్ట్రీకి దూరం అవుతుందని భావించగా.. అందరికీ షాకించింది. కాస్త కూడా గ్యాప్ తీసుకోకుండా.. వరుస అవకాశాలు అందుకుంటూ ఫుల్ ఫామ్లో ఉంది. సినిమాలు, వెబ్సిరీస్లు చేస్తూ ప్రేక్షకులను అలరిస్తుంది. ఇటీవల కీర్తి సురేష్ ప్రధాన పాత్రలో నటించిన చిత్రం ‘రివాల్వర్ రీటా’(Revolver Rita). కామెడీ ఎంటర్టైనర్గా వచ్చిన ఈ మూవీ బాక్సాఫీసు వద్ద మంచి విజయాన్ని సాధించింది. చంద్రూ(Chandru) దర్శకత్వంలో వచ్చిన ఈ సినిమాను ప్యాషన్ స్టూడియోస్, ది రూట్ బ్యానర్స్పై సుధన్ సుందరం, జగదీష్ పళనిసామి నిర్మించారు. ఇందులో కీర్తి సురేష్తో పాటు రాధికా శరత్ కుమార్, సునీల్, అజయ్ ఘోష్ కీలక పాత్రలో కనిపించారు.
అయితే నవంబర్ 28న విడుదలై ప్రేక్షకుల ఆదరణ పొందింది. అయినప్పటికీ నెలరోజుల్లోనే డిజిటల్ స్ట్రీమింగ్కు సిద్ధమైంది. తాజాగా, ఈ విషయాన్ని వెల్లడిస్తూ.. ప్రముఖ సంస్థ అధికారిక ప్రకటన విడుదల చేసింది. ‘రివాల్వర్ రీటా’ ఓటీటీ హక్కులను నెట్ఫ్లిక్స్ సొంతం చేసుకోగా.. డిసెంబర్ 26 నుంచి తెలుగు, తమిళ, కన్నడ, మలయాళ భాషల్లో స్ట్రీమింగ్ అందుబాటులోకి రానుంది. ఇక ‘రివాల్వర్ రీటా’ కథ విషయానికొస్తే.. ఒక సాదాసీతా అమ్మాయి అనుకోని పరిస్థితుల్లో రివాల్వర్ పట్టి గ్యాంట్స్టర్లతో ఎలా పోరాడింది.. ఆ క్రమంలో ఎదురైన సవాళ్లను ఎలా ఎదుర్కొంది అనేది ఇందులో చూపించనున్నారు.
