రష్మిక మందన్న ‘ది గర్ల్ ఫ్రెండ్’ నుంచి ఫస్ట్ సింగిల్ రిలీజ్.. ఆ పాటను కాపీ కొట్టారంటూ నెటిజన్ల కామెంట్స్

దిశ, సినిమా: టాలీవుడ్ స్టార్ హీరోయిన్ రష్మికా మందన్న(Rashmika Mandanna) వరుస విజాయాలు సాధిస్తూ ఇండస్ట్రీని షేక్ చేస్తోంది. భాషతో సంబంధం లేకుండా బ్యాక్ టు బ్యాక్ ప్రాజెక్ట్స్ ఒకే చేస్తోంది. ప్రస్తుతం నేషనల్ క్రష్ నటిస్తున్న లేటెస్ట్ మూవీ ‘ది గర్ల్‌ఫ్రెండ్’. ఇందులో టాలెంటెడ్ హీరో దీక్షిత్ శెట్టి(Dixit Shetty) సరసన రష్మిక రొమాన్స్ చేయనుంది. బ్యూటీఫుల్ లవ్ స్టోరీతో రాబోతున్న ఈ చిత్రానికి రాహుల్ రవీంద్రన్(Rahul Ravindran) దర్శకత్వం వహిస్తున్నారు. ఈ సినిమాను ప్రముఖ నిర్మాత అల్లు అరవింద్ సమర్పణలో గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్‌టైన్‌మెంట్స్ బ్యానర్‌పై విద్య కొప్పినీడి, ధీరజ్ మొగిలినేని నిర్మిస్తున్నారు.

షూటింగ్ శరవేగంగా జరుపుకుంటున్న ఈ మూవీ నుంచి వరుస అప్డేట్స్ వస్తూ ప్రేక్షకుల్లో ఆసక్తి పెంచుతున్నాయి. ఇప్పటికే విడుదల పోస్టర్స్ మంచి రెస్పాన్స్‌ను దక్కించుకోగా.. చిత్రబృందం మ్యూజిక్ జర్నీ స్టార్ట్ చేశారు. తాజాగా, ‘ది గర్ల్ ఫ్రెండ్’ మూవీ ఫస్ట్ సింగిల్‌ను విడుదల చేశారు. ఈ పాట తెలుగు, హిందీ, తమిళ, కన్నడ, మలయాళ భాషల్లో వచ్చింది. ఇక ఇందులో రష్మిక, దీక్షిత్ ఎక్కువ డ్యాన్స్ చేయనప్పటికీ వెరైటీ పోజులతో అందరినీ ఆశ్చర్యానికి గురి చేశారు. ఈ సాంగ్ ఎమోషనల్ లిరిక్స్ ప్రేక్షకులను ఆకట్టుకుంటున్నాయి. ఇక ఈ వీడియోను చూసిన నెటిజన్లు కొందరు నీవే పాటను కాపీ కొట్టారని కామెంట్లు చేస్తుండగా.. మరికొందరు ఢీ డ్యాన్స్ షో చూసినట్లుగా ఉందని అంటున్నారు.