‘పరమ్ సుందరి’ విడుదల వాయిదా.. డబుల్ అప్డేట్స్ ఇస్తూ మెస్మరైజింగ్ పోస్టర్ షేర్ చేసిన మూవీ మేకర్స్

దిశ, సినిమా: బాలీవుడ్ స్టార్ హీరో సిద్ధార్థ్ మల్హోత్రా(Siddharth Malhotra), జాన్వీ కపూర్(Janhvi Kapoor) జంటగా నటిస్తున్న లేటెస్ట్ మూవీ ‘పరమ్ సుందరి’(Param Sundari). ఈ చిత్రానికి తుషార్ జలోటా దర్శకత్వం వహిస్తున్నారు. రొమాంటిక్ కామెడీ నేపథ్యంలో తెరకెక్కుతుండగా.. ఈ సినిమాను మాడాక్ ఫిల్మ్ప్ బ్యానర్‌పై దినేష్ విజన్ నిర్మిస్తున్నారు. సచిన్ జిగర్ సంగీతం అందిస్తున్నారు. షూటింగ్ శరవేగంగా జరుపుకుంటున్న ఈ చిత్రం నుంచి ఫస్ట్ లుక్ పోస్టర్ విడుదలై ప్రేక్షకుల్లో ఆసక్తిని రెట్టింపు చేసింది. ఇందులోంచి ఈ పోస్టర్ తప్ప మరో అప్డేట్ రాలేదు. ఈక్రమంలోనే.. మూవీ మేకర్స్ ‘పరమ్ సుందరి’ జులై 25న రిలీజ్ కాబోతున్నట్లు ప్రకటించారు.

కానీ పలు కారణాల వల్ల ఈ మూవీ విడుదల వాయిదా పడింది. తాజాగా, ఈ విషయంపై చిత్రబృందం క్లారిటీ ఇస్తూ డబుల్ అప్డేట్స్‌ను షేర్ చేశారు. ఈ సినిమా ఆగస్టు 29న థియేటర్స్‌లోకి రాబోతున్నట్లు వెల్లడించడంతో పాటు ఇందులోంచి పరదేసియా అనే సాంగ్‌ను కూడా రిలీజ్ చేశారు. ఇందులో జాన్వీ కపూర్, సిద్ధార్థ్ భార్యభర్తలుగా కనిపించి ప్రేక్షకులను మెస్మరైజ్ చేశారు. అంతేకాకుండా ఓ పోస్టర్‌ను కూడా షేర్ చేశారు. ఇందులో జాన్వీ స్టిల్ అదిరిపోయింది. ఇక అది చూసిన నెటిజన్లు చాలా బాగుందని కామెంట్లు చేస్తున్నారు.