‘దేవర’ నుంచి ఎన్టీఆర్ న్యూలుక్ రిలీజ్.. ఫిదా అవుతున్న ఫ్యాన్స్

దిశ, సినిమా: స్టార్ హీరో ఎన్టీఆర్, డైరెక్టర్ కొరటాల శివ కాంబినేషన్‌లో వస్తున్న సినిమా ‘దేవర’. రెండు పార్టులుగా రాబోతున్న ఈ మూవీలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుంది. ఇక ఇప్పటికే షూటింగ్ శరవేగంగా జరుపుకుంటున్న ఈ చిత్రం నుంచి రిలీజైన పోస్టర్స్, గ్లింప్స్ ఆడియన్స్‌ను ఎంతో ఆకట్టుకున్నాయి. దీంతో మూవీపై భారీ అంచనాలు పెంచుకున్నారు ఫ్యాన్.

ఇదిలా ఉంటే.. ప్రజెంట్ ఈ సినిమా షూటింగ్ గోవాలో జరుగుతున్న సంగతి తెలిసిందే. ఈ క్రమంలోనే షూటింగ్ సెట్ నుంచి తాజాగా వీడియోలు కూడా లీకై నెట్టింట దుమారం రేపుతున్నాయి. ఈ సందర్భంగా ఈ మూవీ షూట్‌లకు సంబంధించిన జూనియర్ ఎన్టీఆర్ లుక్‌ను చిత్ర యూనిట్ షేర్ చేసింది. ఇందుకు సంబంధించిన ఫొటోలు నెట్టింట వైరల్ కావడంతో.. ఎన్టీఆర్ లుక్‌కు ఫిదా అవుతున్నారు ఫ్యాన్స్. కాగా.. ఈ మూవీ దసర కానుకగా ప్రేక్షకుల ముందుకు తీసుకొచ్చేందుకు ప్లాన్ చేస్తున్నారు మేకర్స్.