ఈ ఏడాది రన్ టైమ్‌లో అతి పెద్ద సినిమాగా నయన్ 'గోల్డ్'

దిశ, సినిమా : ఆల్ఫోన్స్ పుత్రేన్ ద‌ర్శక‌త్వంలో పృథ్వీరాజ్ సుకుమార‌న్, న‌య‌న‌తార‌ జంటగా నటిస్తున్న మూవీ 'గోల్డ్'. కామెడీ డ్రామాగా తెర‌కెక్కుతున్న ఈ సినిమా సెప్టెంబ‌ర్ 16న రిలీజ్ కానుంది. అసలు విషయానికొస్తే.. ఈ సినిమా రన్ టైమ్‌(3 గంటల 10 నిమిషాలు) దక్షిణాదిన హాట్ టాపిక్‌గా మారింది. అంతేకాదు ఈ ఏడాది ఇప్పటికే విడుదలైన సినిమాల్లో ఇదే పెద్ద మూవీగా నిలిచింది.

ఇక ఇటీవ‌ల విడుద‌లైన విక్రమ్ 'కోబ్రా' మూవీ 3.03 గంటల నిడివితో ప్రేక్షకుల ముందుకొచ్చింది. ఇప్పుడు ఆ సినిమా రికార్డుల‌ను నయన్ 'గోల్డ్' బ్రేక్ చేయనుంది. కథ ప్రకారం ఓ యువ‌కుడి జీవితంలో నాలుగు రోజుల పాటు ఎదురైన అనూహ్య ప‌రిణామాల‌ను దర్శకుడు పుత్రేన్ వినోదాత్మకంగా ఆవిష్కరించినట్లు తెలుస్తోంది.

Also Read : మా సినిమానే ఇండస్ట్రీకి బూస్ట్ ఇచ్చింది : Kiara Advani