లెజెండరీ డైరెక్టర్ సినిమాతో కొత్త అవతారం ఎత్తనున్న నాగ్ అశ్విన్.. అంచనాలను పెంచుతున్న పోస్ట్

దిశ, సినిమా: తెలుగు సినిమా చరిత్రను ప్రపంచవ్యాప్తంగా చాటిచెప్పిన లెజెండరీ డైరెక్టర్ సింగీతం శ్రీనివాసరావు(Singitam Srinivasa Rao) మరో అద్భుతానికి శ్రీకారం చుట్టారు. 'ఆదిత్య 369', 'పుష్పక విమానం', 'భైరవద్వీపం' వంటి సినిమాలతో ప్రయోగాలకు కేరాఫ్ అడ్రస్‌గా నిలిచారు. తాజాగా తన 61వ చిత్రాన్ని (#SSR61) అధికారికంగా ప్రారంభించారు. వైజయంతీ మూవీస్ బ్యానర్‌పై రూపొందుతున్న ఈ భారీ ప్రాజెక్ట్ ఇటీవలే పూజా కార్యక్రమాలను పూర్తి చేసుకుంది. 90 ఏళ్లు దాటినా ఆయనలో తగ్గని ఉత్సాహం, క్రియేటివిటీ చూసి చిత్ర పరిశ్రమ ఆశ్చర్యపోతోంది. ఈ చిత్రంతో నాగ్ అశ్విన్ కొత్త అవతారం ఎత్తనున్నాడు. ఆయన నిర్మాతగా వ్యవహరిస్తుండటం విశేషం. సింగీతం గారి మేధస్సు, నాగ్ అశ్విన్ విజన్ తోడవ్వడంతో ఈ సినిమాపై అంచనాలు ఆకాశాన్ని తాకుతున్నాయి.

రాక్‌స్టార్ దేవిశ్రీ ప్రసాద్ ఈ చిత్రానికి సంగీతాన్ని అందిస్తున్నారు. అశ్వినీదత్ సమర్పణలో స్వప్న సినిమా, వైజయంతీ మూవీస్ సంయుక్తంగా నిర్మిస్తున్న ఈ మూవీ మరో విజువల్ వండర్‌గా ఉండబోతుందని చిత్ర బృందం ధీమా వ్యక్తం చేస్తోంది. త్వరలోనే ఈ సినిమాలోని నటీనటులు, ఇతర సాంకేతిక నిపుణుల వివరాలను మేకర్స్ ప్రకటించనున్నారని టాక్. ప్రయోగాత్మక చిత్రాలకు పెట్టింది పేరైన సింగీతం గారు, ఈసారి ఎలాంటి వినూత్న కథాంశంతో వస్తున్నారనే ఆసక్తి సినీ ప్రియుల్లో నెలకొంది. వైవిధ్యమైన స్టోరీ, దేవిశ్రీ ఎనర్జిటిక్ మ్యూజిక్ కలయికలో రాబోతున్న ఈ సినిమా ఎలాంటి సంచనాలను సృష్టించనుందా? అని నెటిజన్లు అభిప్రాయపడుతున్నారు.