అతను చెప్పిన మాటలు ఎప్పటికీ మర్చిపోలేను.. అన్నింటికీ రుణపడి ఉంటానంటూ మృణాల్ ఎమోషనల్ పోస్ట్

దిశ, సినిమా: యంగ్ హీరోయిన్ మృణాల్ ఠాకూర్ (Mrunal Thakur)అందరికీ సుపరిచితమే. ఈ అమ్మడు సీరియల్స్ ద్వారా ఇండస్ట్రీకి పరిచయం అయింది. ఆ తర్వాత నటనపై ఆసక్తితో ‘విట్టి దండు’ అనే మరాఠి సినిమా ద్వారా సినీరంగంలోకి అడుగుపెట్టింది. ఇక ‘సీతారామం’ చిత్రంతో ఓవర్ నైట్ స్టార్‌గా మారి ఇండస్ట్రీలో రాణిస్తోంది. వరుస సినిమాల్లో నటించడంతో పాటు సోషల్ మీడియాలోనూ యాక్టివ్‌గా ఉంటుంది. తాజాగా, మృణాల్ ఇన్‌స్టాగ్రామ్ ద్వారా ఓ ఎమోషనల్ పోస్ట్ పెట్టింది. 7 ఏళ్ల క్రితం ‘లవ్ సోనియా’ (Love Sonia)మూవీ వర్కింగ్ స్టిల్స్ షేర్ చేస్తూ.. ‘‘7 సంవత్సరాల క్రితం, జీవితం నన్ను అత్యంత ఊహించని బహుమతి ‘లవ్ సోనియా’తో ఆశ్చర్యపరిచింది.

నేను ఒక చిన్న పట్టణ అమ్మాయిగా నటించాను. ఆమె హృదయంలో పెద్ద కలలు కలిగి ఉంటాను. ఏదో ఒక విధంగా వేలాది మందిలో, సోనియా కోసం డైరెక్టర్ నన్ను ఎంచుకున్నారు. ఆ చిత్రం నా అరంగేట్రం మాత్రమే కాదు... ఈ సినిమా నా జీవితాన్ని మార్చడంతో పాటు నన్ను ఈ అందమైన ప్రపంచానికి పరిచయం చేసింది. డెమి మూర్, ఫ్రీడా పింటో, రిచా చద్దా, మనోజ్ బాజ్‌పేయి, రాజ్‌కుమార్ రావు(Rajkumar Rao), రియా సిసోడియా, సాయి తమంహర్, మార్క్ డుప్లాస్ వంటి దిగ్గజ నటీనటులతో సెట్‌లో ఉండటం వల్ల నాకు కలిగిన ఉద్వేగభరితమైన ఉత్సాహం నాకు ఇప్పటికీ గుర్తుంది. ప్రతి ఒక్కరూ ప్రతిరోజూ నాకు కొత్తగా ఏదో ఒకటి నేర్పారు.

వారి ముందు నేను విశాలమైన సముద్రంలో అతి చిన్న చేపలా భావించాను. ఆపై తబ్రేజ్ నూరానీ మా కెప్టెన్ ఒకసారి నాతో ఇలా అన్నాడు. వాణిజ్యపరంగా ఏమి జరిగినా, ఈ చిత్రం కాపాడే జీవితాల గురించి మనం గర్వపడాలని చెప్పారు. ఆ మాటలు నా హృదయంలో ఎప్పటికీ మర్చిపోలేను. A.R. రెహమాన్ సార్, మీ సంగీతం సోనియా ప్రయాణానికి ఒక ఆత్మను ఇచ్చింది. నేను ఈ చిత్రానికి అన్నింటికీ రుణపడి ఉన్నాను. సోనియా నాకు ధైర్యాన్ని ఇచ్చింది, నాకు ఒక గొంతును ఇచ్చింది. సినిమాలో నాకు ఒక కుటుంబాన్ని ఇచ్చింది. ఈ ప్రయాణాన్ని సాధ్యం చేసిన ప్రతి ఒక్కరికీ ధన్యవాదాలు’’ అని రాసుకొచ్చింది. ఇక అది చూసిన నెటిజన్లు మృణాల్‌ను చూసి షాక్ అవుతున్నారు. రకరకాల కామెంట్లు పెడుతున్నారు.