‘కుబేర’ సెకండ్ సింగిల్ అప్డేట్ ఇచ్చిన మూవీ మేకర్స్.. క్యూరియాసిటీ పెంచుతున్న పోస్టర్

దిశ, సినిమా: కోలీవుడ్ స్టార్ హీరో ధనుష్ (Dhanush) వరుస సినిమాలతో ఫుల్ ఫామ్‌లో ఉన్నారు. హీరోగా చేస్తూనే ఆయన దర్శకత్వం కూడా వహిస్తున్నారు. ప్రస్తుతం ఆయన నటిస్తున్న లేటెస్ట్ మూవీ ‘కుబేర’(Kubera). అయితే ఇందులో రష్మిక మందన్న(Rashmika Mandanna) హీరోయిన్‌గా నటిస్తుండగా.. టాలీవుడ్ స్టార్ హీరో అక్కినేని నాగార్జున(Nagarjuna) ప్రధాన పాత్రలో కనిపించనున్నారు. శేఖర్ కమ్ముల(Shekhar Kammula) దర్శకత్వంలో రాబోతున్న ఈ సినిమా తెలుగు, తమిళ, మలయాళం, హిందీ, కన్నడ భాషల్లో జూన్ 20న గ్రాండ్‌గా విడుదల కాబోతుంది.

దీంతో ప్రమోషన్స్ స్టార్ట్ చేసిన మూవీ మేకర్స్ వరుస అప్డేట్స్ ఇస్తూ ప్రేక్షకుల్లో ఆసక్తిని పెంచుతున్నారు. అయితే ఇటీవల ధనుష్ మాస్ డ్యాన్స్‌తో వచ్చిన ఫస్ట్ సింగిల్ ఊహించని రెస్పాన్స్‌ను దక్కించుకుంది. ఈక్రమంలో.. తాజాగా, చిత్రబృందం ‘కుబేర’ నుంచి మరో పాట రాబోతున్నట్లు ప్రకటించారు. దేవిశ్రీ ప్రసాద్ పాడిన సెకండ్ సింగిల్ జూన్ 2న రాబోతున్నట్లు వెల్లడించారు. బీచ్‌లో కొంతమంది నడుస్తున్న ఫొటోను షేర్ చేస్తూ వారి ముఖాలు కనిపించకుండా జాగ్రత్త పడ్డారు. నీటిలో బింబాలు కనిపిస్తున్నప్పటికీ ముఖాలు క్లారిటీ లేవు. ప్రస్తుతం ఈ పోస్టర్ ప్రేక్షకుల్లో క్యూరియాసిటీని పెంచుతోంది.